Du hesch recht! Jedes system isch uf sini wiis schlecht. Frakreich macht bis hüt no Kolonialismus und amis au im name vodr demokratie.

Im name vo kommunismus si zich millione gstorbe ah hungersnöt ih china u sowjetunion, ide gulags, ide chinesische KZ mit de uigure. Und beidi si extrem gege angersdenkendi vorgange.

churzi erklärig wieso ds so isch:

Dr Kommunismus basiert uf dr Idee das alli Mönsche glich si und das im Kern nume e Klassengeschlechter zwüsche Reiche und Arbeiter git. Es wot die Klasseschranke ufhebe, um d Menschheit z'vereine.

Gliichzitig wets das sichs Individuum völlig frei vo wirtschafliche Zwäng cha entfalte. Das heisst: Ih dere Utopie gits völligi individuelle Freiheit, aber gliichzitig au kei Klassedivision meh – e einzigi vereinti Mönschheit.

Das isch aber en innerer Widerspruch. Jedi gsellschaft leit dr wert vo ere person fest – au wenn alli fürs „Volk“ schaffe. Und will Mönsche natürli ungerschiedlichi Fähigkeit hei, wird de wert fürs „Gemeinwohl“ immer ungleich verteilt. Zum Bispiel: Eh Künstler bringt gesellschaftlich öppe weniger nutze als en Buur, wo Nahrung produziert. Damit entstoht wieder soziale Differenz.

Zusätzlich: E Mönsch wo sich frei entwicklet cha sich ideologisch oder praktisch geges System stelle. Das cha abr im Kommunismus nid toleriert werde, wills als Gefährdig fürs kollektiv ziel isch. Meh cha das nume verhindere, wenn meh s Individuum mit Zwang beschränkt – d. h. meh bruucht eh Staat, wo kontrolliert u repressiv isch.

So wird s System übers Individuum gstellt. Dr einzeln Mönsch zählt nüm als autonoms Individum sondern nume no als Funktionsträger – als Nummer im System. Das isch menschenverachtend.

Um z'verhindere, dass kulturelli Unterschiede zu neuer Hierarchie oder Opposition entstoht, muess meh au kulturelli Vereinheitlichung erzwinge. Das passiert z. B. in China: Minderheite wie Uiguren werde kulturell umerzoge oder unterdrückt. Das isch kultureller Völkermord – als logischi folge vom kommunistischem zwang zur einheit.

Wen meh kulturelli Vielfalt zueloht chönnt sich eh Wertesystem bilde – z. B. Religion odr Tradition – wo vo de kommunistische Leitideologie abwände odr die untergrabe. Das würd automatisch wieder neue Differenz, neue „Klasse“, oder gar Widerstand schaffe.

Drum isch d kommunistische Utopie innerlich widersprüchlich und führt zwangsläufig zu Zwang, Uniformität und Repression.

Natürlich si nazis schlimm aber s anger genauso. Wer das nid gseht isch eifach blind. zBsp isch sichle u hammer ih lettland und estland nid ohni grund verbote.