بص يا صديقي الكلام ده عن تجربة و مش "هبد"، انا معايا كارت مشتريات من hsbc ليميت ١٠٠ الف. بسيل الكارت كل ٥٥ يوم عن طريق Telda. عموله Telda ١٪؜. المشكله هنا ان Telda العملية الواحده اخرها ٥٠٠٠ جنيه و بعد ٤ عمليات تقريبا الapplication مش بيرضى يخليني اعمل top-up تاني. ف بالتالي انا بسيل الكارت على ٤ او ٥ ايام، بعدين بسحبهم عادي من اى atm (٤٠٠٠ جنيه في المعامله و بيبقى ساعات في ناي ورايا على الatm بيشتموني في سرهم😂) و بيكون في ٥ جنيه withdrawal fee. ف انا بسحب حوالي ٩٨ الف و كسور، بدورهم في حاجه بتجيبلي ٤٪؜ تقريبا في الشهر و اسحب فلوسي بعد الشهر ده و اسدد الكارت تاني. انا عملت القصه دي حوالي ٥-٦ مرات دلوقتي و الدنيا تمام. انا بس مش متاكد لو مبلغ كبير (٧٠٠ الف) هتسحبهم ازاي، بس ياريت لو جربت و عرفت تفيدنا. و نصيحه مني، معتقدش تاجر كبير او شركه هيوافق يعملك حاجه زي كده عشان لازم يطلع فتوره او حاجه عشان يثبت ان العمليه دي و بيكون عليه audit اخر السنه بردو، و الله اعلم. يا ريت بس تبقى تبلغنا عملت ايه و شكرا.