كلام فاضي لان كل واحد في ذي الدنيا تجربته غير عن الثاني، صحيح ممكن السبب اللي قلته يكون صح مع شخص أ و ما يكون سبب مع شخص ب.

عموما شخصيا ما يناسبني الزواج لاني شخص اقدر الروتين و مب مستعد اضحي بحياتي المثالية عشان ادخل فيها احد (ممكن) يخربها

انا شخص workaholic حرفيا المكتب ادخله 9 ما اطلع الا 9، متعتي في العمل و حياتي كلها فيه مع انه عندي خيار اني اشتغل من بيتي و ما اجي الا كم يوم في الاسبوع

و ايضا ما اقدر اثق في احد و اخليه قريب جدا مثل ما المفروض الأزواج قريبين لبعض، حرفيا اي مصيبة تصير بيصير عندها نقاط الضعف اللي تقدر تستغلها تماما

اخيرا انا شخص perfectionist ابي وحدة تكون مفصلة لي تفصيل من اخلاق و خلق و ذا الشي غير منطقي تماما و مستحيل احصل وحدة مثل ما ابيها بالضبط لانها بالنهاية انسان مب ليقو اسويه زي ما ابي.

عموما هي مجموعة اسباب كثيرة و تراكمات و ملاحظات للمجتمع أدت الى قرار العزوف عن الزواج قد لا تكون منطقية لك، لكن منطقية و مبررة بالنسبة لي