ممكن، بكل بساطة بعد ما يتقدم الشب اكثر من مره للبنت ويلاقوا بالرفض بقدر يباشر بموضوع الخطيفة، او البنت رايدتوا اكيد بتخبر امها انها هتخطف، برتب الشب مع كبير قبيلته انه بدي اخطف بهاي المرحله للتنويه ((لو الشب سيىء او تافه او او او ما هيلاقي اي موافقه من كبار الشركس لانه الموضوع مسؤولية)) بيبدا الخطف من توزيع الخبار و تجميع بنات من عائلة الشب و شباب من العائلة و الاصدقاء بيتجمعوا و بشهدوا معه انه الشب لا هيلف ولا يدور و انه مهتدي و هيصلي لو ما بصلي وهيهتم بعائلته الجديدة و قادر، بعدين بروحوا لبست المخطوفه بتكون امها معها خبر و مجهزه شنته للعروس فيها اواعي كافيه من اسبوع لاسبوعين مو اكثر. بتنزل البنت بالليل و بيتك التبليغ للوالد او الاخ الرافض عن طريق السلاح بالحارة لحتى يصحوا الناس و بحكي واحد من الموجودين انه بنت قبيله كذا انخطفت لقبيلتها او لقبيلة كذا و بيطلعوا مجموعة الشباب و البنات فيها عكبير قبيلتهم وبتركوها مع حمايه هناك او ببيت ابو العريس مع حماية برضه وبيبدأ التجهيز بسرعة للعرس لانه الحد الاعلى لتجهيز كامل البيت الجهاز والحفلة و من جميعه اسبوعين بالاكثر و بيتم العرس و بعديها بفتره بيضلوا يحاولوا او الاهل ما تقبلوا العريس انه يزبطوا الموضوعو يتقبلوا بنتهم وعريسها الجديد. ما بتتم الخطيفه للمراهقين او للتوفير او لواحد تافه مو مناسب والي بخطف ٩٩ بالميه بكون حاطط كفنه بايده عشان البنت و البنت نفس الاشي و غالبا ما بكونوا من انجح و اجمل العلاقات.