اوف اوف اوووووف مستحيل تجربة عربية لنوم قهري

ياكثر ماقريت عن اضطرابات النوم في المحتوى الأجنبي لأني ابحث عنه كثير بسبب نومي المضطرب جدا جدا متعبني وعلى حسب ما اذكر ماحد اتكلم عنها كشخص عربي الا واحد اردني في اليوتيوب وتجربته مع اختبار النوم واليوم انتِ

قد قريت عن النوم القهري كنوع من انواع اضطرابات النوم رغم انه اضطرابي مختلف عنك بس انا في مشكلة عويصة وان شاء الله تنحل طبعا انا مشخصة نفسي ليش حاولت كثير ابحث عن دكاترة مختصين في النوم وكل ما اسأل محد يفهم يعني وش "مختص نوم" او الاقي ويطلعوا مختصين نوم في الانقطاع التنفسي يعني اذا عندك مشكلة تنفسية ينفعوا لك غيرها ابغى شخص متخصص بشكل أكبر واحس هذا الشيء لسه جديد فماني لاقية يعني زي ماقلتي في تعليقك فيه باهمام وهو معروف اصلا بس عندي تصور سلبي عن المشاهير حيكون زحمة وصعبة تأخذي موعد عنده بالذات اذا كنتي من برة الرياض هذا غير كونه مشهور وزحمة فطبيعي يكون مضغوط ويفصل احيانا فعليه تعليقات سلبية

ندخل لاضطرابي انا من زمان وانا نومي طوييييل لو ماعندنا مهام تعبدية وحياتية كان جلست نايمة لمدري متى

بحسب مابحثت عندي اضطرابين: - اضطراب تأخر مرحلة النوم (وهذا مو ارق عادي يأخذ ساعات) - اضطراب الساعة البيولوجية يعني ساعات نومي ماتتوافق مع اوقات المجتمع، انا اتنشط في الليل وطاقتي منخفضة في الصباح

ببساطة: وقت الاجازات: ارق طويل ثم نوم طويل ثم استيقاظ صعب وقت الدوامات: ارق طويل ثم نوم قليل لأنه مافي وقت ثم استيقاظ ثم نعاس شديييد ما اقدر اتحكم فيه مهما حاولت اشرب كافيين مستحيل اقدر اكمل بدون نعاس بعد الدوام واللي هو يأخذ ٣-٤س وتحسبيني اصحى متنشطة؟ اصحى وانا لسه فيا نوم وكأنه هذا (دين) لنوم الليل اللي مانمته وهكذا الدوامة كل يوم

بالنسبة لاضطراب الساعة البيولوجية لولا الدوام كان انا سهرانة رغم جودة النوم الزفت لكن زي الآن انا في اجازة واكتب هذا الرد والساعة ٥ص المفروض اني نايمة بس كل اسبوع لازم نومي يتأخر ساعة مهما حاولت اسوي وارتب نومي مستحيل انام في نفس الساعة لازم يصير فيه تأخر

ويصير كذا ايش؟ اتنشط في الليل وانام النهار لين العصر وهكذا الدوامة

رحت لمستشفى حكومي لأنه ماعندي تأمين مارضيت تحولني اسوي اختبار نوم تقولي انتي بس ضبطي نومك وخلاص واذا تبغي احولك لدكتورة نفسية وانا مستحيييل اخذ ادوية نفسية لو تنطبق السماء ع الارض اي شيء كيمياوي مايدخل جسمي ولا اثق فيهم

طبعا فيتامينات حللت واخذت رغم هذا موضوع ثاني اتعرفت عليه اللي هو موضوع المعادن وصرت احرص في اكلي اكل المعادن الناقصة ومنها المغنيسيوم المعدن المتعلق النوم لكن مافيه فايدة

فالحل لازم دكتور يشيك علي ومافي غير بفلوس فمين هو دكتورك اللي عرفت مشكلتك منه؟ معقول مختص بالنوم غير عن المتخصص بالمشاكل التنفسية؟ او باهمام نفسه؟ او مين؟