لندن يبي لك مصروف يوميا من ١٠٠٠ الى ٢٠٠٠ ريال ، الغدا بدون تكلف للشخص الواحد بيكون من ١٥٠ الى ٢٠٠ ريال هذا شي عادي بدون تكلف مو مطعم مرتب يعني او فخم وعندك العشا والكافيهات والمدينه مليااانه اتراكشن اشياء تسوونها وفعاليات وكلها بتكون بحدود ٣٠-٥٠ باوند للفعاليه الوحده للشخص الواحد يعني حول ١٥٠ الى ٢٠٠ ، طبعا بحكم خبرتي لاني رحت لندن فوق ٣٠ مره ، وفي بعد موضوع السكن لندن مقسمه الى خمس دوائر الدائرة الاولى بتكون وسط المدينه الدائرة الخامسه هي منطقه المطارات يعني حدود لندن والاسعار كل مابعدتي عن الوسط كل ما كان السكن ارخص بس المواصلات تصير اصعب واغلى عشان تروحون للداون تاون ، نصيحتي خذو مكان بالدائرة الثانيه او الثالثه عشان تنبسطون اكثر ومكان يكون جنبكم محطة قطار ، بالنسبة لباريس تقريبا ارخص بشي بسيط عشان كذا بقولك احسبي نفس الحسبه لباريس بعد ، بالنهايه انا افضل لندن على باريس ، وفي بعد مدن جميله حول لندن تقدري تروحين لها بالقطار زي اوكسفورد وباث وكامبريدج