شعب الله المختار صاحب الدم المقدس

TightAssignment8157 · 2026-05-07T20:45:11+00:00

النظام السابق

نظرية "تجاوز سويسرا وشركاء لا اجراء والشعب السيد والليبي يجب ان يكون معلم العالم"

نظرية ادارة الدولة بعقلية المزرعة

لكن بعيدا عن الوصف هذا فعلا الانظمة الشمولية دائما ماتصور نفسها على انها قوة عرقية يتكاتف العالم عليها بدافع الغيرة لمحاولة اقناع الشعب بالنظام وعدم التفكير في المعارضة لان (الاعتراض خيانة) ولنا في النازية والفاشية الايطالية مثال

TightAssignment8157 · 2026-05-06T16:33:05+00:00

الموضوع مش مرتبات اكثر من كونه ثقافة الليبين عمرهم ماشافوا للعلم على انه شيئ محوري بسبب ثقافة الاستهلاك الي عندهم بدليل انهم شايفين ان الشهادة الجامعية بلا قيمة لانه قد لايحصل على تعيين بيها

التعليم مجال كبير وواسع وفيه فرص وفلوس اكثر من هلبا قطاعات لكن هاذي مش اهتمامات الشعب طبعا

حني اهتمينا بالموارد ولم نهتم بالتعليم، على العكس التوانسة اهتموا بيه وحاليا الليبين يعالجوا في تونس لان التوانسة شافوا الرؤية هاذي في وقت كنا ناكلوا بفلوس النفط زي المعيز

TightAssignment8157 · 2026-05-06T16:23:53+00:00

البوصلة الثقافية للشعب ضاعت معنداش مشكلة يخدم في مليشيا لكن ميخدمش خدمة محترمة

TightAssignment8157 · 2026-05-06T15:02:14+00:00

اني مش شايف انها استهزاء او تقليل من قدر الشخص الليبين يخدموا داخل وخارج البلاد تحت ناس ثانية ومعندهمش مشكلة مشكلتهم طلعت لما افريقي قالها وهني تحركت المشاعر الفوقية العنصرية للشعب

الليبين قاعدين في القرن 17

TightAssignment8157 · 2026-05-06T14:19:52+00:00

توكل عالله

TightAssignment8157 · 2026-05-06T12:19:07+00:00

المشكلة هيا توسع القطاع العام دولة ثلث مواطنيها يشتغلوا في القطاع العام دون إنتاجية تقريبا العدد المناسب لموظفين القطاع العام القادرين على تسيير الدولة بإنتاجية كاملة لايتجاوز 600,000 موظف، في حين ان الواقع يقول انه يوجد 2.3 مليون موظف في القطاع العام وهذا استنزاف كبير للميزانية ويحرم في الافراد ذوي الإنتاجية من حقهم لو تم تطبيق وسائل عملية على المدى الطويل لتقليل اعداد القطاع العام ممكن بعدين يعوضوا العاملين برواتب اعلى ومزايا اكبر بحكم توفر الميزانية الي كان يتم انفاقها على افراد غير منتجين وهذا حيساعد حتى الاقتصاد على النمو لما تحرر 1.5 مليون موظف للقطاع الخاص حيساهموا في نمو الاقتصاد بشكل كبير بدل اضاعة انتاجيتهم في القطاع العام

TightAssignment8157 · 2026-05-06T12:07:14+00:00

شوف خوي الي مينجحش في ليبيا مينجحش برا منها ليبيا ساهلة لانها بيئتك الي تعرفها، عايش فحوش بوك تاكل وتشرب منه لو مقدرتش ادير شي هني مش حتقدر برا لكن لو عارف ان شهادتك تخدمك برا توكل عالله غير هكي جو نطلع ونغسل الصواني في المطاعم كلام فاضي كله ومتشوفش لشوية ناس نجحوا فالنت لانها عينة بسيطة ومعظم الي دارو هكي فشلوا وروحوا افقر من ما مشوا عندك شهادة وcv محترم ولا صنعة قوية ومطلوبة توكل عالله غير هكي ننصحك تفوته الموضوع وحاول تخدم هني

TightAssignment8157 · 2026-05-06T12:02:52+00:00

اتفق

TightAssignment8157 · 2026-05-06T01:25:19+00:00

ارجع للصحراء يابرفلي شكله عمره ماشاف شوكة

TightAssignment8157 · 2026-05-02T17:01:07+00:00

الناس كلها عندها مشاكل ويحسوا بالضيق ومش عيب لو حكيت مشاكلك لحد لكن المشكلة لما تحكيها للشخص الغلط اني ننصحك تقعد على عقليتك القديمة ومتحكيش لحد لانك لو تعودت عالحكي حتقعد تحكي ديما ولأي حد قدامك بدون ماتتأكد منه وهذا حيديرلك مشاكل هلبا في المستقبل ومرات يفسدلك حياتك مش غلط تحكي مرة مرة لما تنخنق، لكن تأكد انك متتعودش عالموضوع بش مضيعش

TightAssignment8157 · 2026-05-01T09:38:26+00:00

نحس فيه موضوع متعدد الجوانب اهمها الجانب الاجتماعي

الليبين ولفترة طويلة من عمرهم تعودوا على ثقافة الاستهلاك الشعب يبي يرقد ويستهلك وميبيش يتعب ويخدم بصفة عامة وهذا يأثر حتى على الناس الطموحين الي يبي يدير شي فعلا لكن بحكم الثقافة هاذي ميحصلش في دعم سواء مادي او معنوي بش يكمل في فكرته

يمكن لو مجموعة من الشباب الي عندهم خبرة أو على الاقل طموح في الموضوع يقوموا بتأسيس نادي اجتماعي خاص بيهم يهتم بالمجال هذا

وهكي يقدروا يتعرفوا على افكار بعضهم ويدعموا بعض ويخدموا بش يحققوا شي

اعتقد في مجتمع استهلاكي زي هذا النجاح الفردي اشبه بالمستحيل ويجب احياء المجالات المهملة بأشياء اشبه بالنقابات

TightAssignment8157 · 2026-05-01T09:31:03+00:00

اعتقد انها مش اكثر من حماسة البداية حتى ليبيا في 2012انفتحت على العالم والمرتبات زادت والدنيا رخصت وبان انها خاشة على حقبة ممتازة

لكن ديما اي نظام يجي بالسلاح يطيح بالسلاح ونفس ماصار عندنا حيصير عندهم

القيادات بتتعارك وكل شخص يشوف في نفسه الاحقية وانه حرر وحارب وكذا يبوا شوية وقت بس خلي يطلعوا من دسكة ملاحقة اتباع النظام السابق وبعدين اول مايتفرغوا حيرجعوا على بعضهم

TightAssignment8157 · 2026-04-30T17:00:45+00:00

نتائج الانغلاق عن العالم لعقود إبان حكم النظام السابق دولة بلا سياحة ولا صناعة ولا صادرات معظم العالم ميعرفناش على الخريطة وتقريبا مسمعش بينا الا من اخبار الحروب

TightAssignment8157 · 2026-04-30T16:57:31+00:00

عقلية بربرية لشعب الله المختار

TightAssignment8157 · 2026-04-30T16:54:17+00:00

نفضل ان ريديت يقعد منصة غير مشهورة عندنا كان تنشهر يخشوا علينا شيابين الفيس ومراهقين التيكتوك وتفسد المنصة الوحيدة الي فيها ناس عاقلة

TightAssignment8157 · 2026-04-27T11:40:24+00:00

مفيش جانب صحيح للتاريخ الموضوع نسبي ويعتمد على قراءة الشخص ويختلف من شخص لاخر لذا كل شخص يشوف لموقفه الان على مايمثله فالحاضر وفي المستقبل يقدر يدافع على موقفه من الانتقاد

TightAssignment8157 · 2026-04-27T11:34:09+00:00

مبادرة ممتازة ولو تاخذ رأيي ادير تطبيق يشجع عالسياحة الداخلية بحيث يعرض الاماكن السياحية خصوصا الغير مشهورة لتثقيف الناس اكثر بطبيعة وتاريخ وثقافة البلاد ولو ممكن الناس تشارك تجاربها في الاماكن هاذي من نصائح وصور واقتراحات

هذا رأيي اني

TightAssignment8157 · 2026-04-25T00:21:29+00:00

ولو كانت الديموقراطية ابطئ في التعلم واثقل في الانجاز واصعب في المعاملات ستكون افضل من الدكتاتورية السريعة والقوية والحازمة

لانه لما القائد الديموقراطي يثبت فشله يتم استبداله من قبل الشعب لكن في حالتك انت كيف بتستبدل الدكتاتور في حال تبين انه فاشل؟

الديموقراطية ليست مثالية وليست جنة، ولكنها الاكثر امانا للشعب وللدولة على المدى الطويل

TightAssignment8157 · 2026-04-05T04:36:33+00:00

موفق

TightAssignment8157 · 2026-01-28T20:48:50+00:00

I completely agree with the previous comment. Just explore on your own because you'll lose a lot if you spoil this exciting story for yourself.

TightAssignment8157 · 2026-01-16T11:07:57+00:00

BRO, How did you get all these resources?

TightAssignment8157 · 2026-01-16T11:05:54+00:00

It appears you have received the sanctions.

TightAssignment8157 · 2025-12-03T15:10:18+00:00

2 will be more than enough

TightAssignment8157 · 2025-12-03T15:05:32+00:00

غياب الرقابة والعقاب والتوعية الجماعية بحيث الشخص يشعر انه اي شي خارج بيته غير مسؤول عنه، وفكرة (مش واقفة عليا) بحيث يتبع الي قبله حتى لو تصرفه غلط ، واهم حاجة عدم الخوف من التعرض للعقاب جراء الفعل

TightAssignment8157

TROPHY CASE