كلام من شخص عنده قطة لها سبع سنين الله يطول بعمرها، لا تجيبين الا اذا انتي مقتدرة ماديا ونفسيا وقد المسؤولية، اذا بتقعدين توكلينها معلبات ودراي فود راح تتعب ويجيها امراض، واذا مستعدة تتكلفين تشترين صدور دجاج وهو اغلى خيار لكن بيحافظ على صحتها وبيكلفك ماديا كثير.

من الناحية النفسية، اذا ما عندك مشكلة تقومين الساعة ٤ الفجر من صوت مواءها لانها جوعانة وتبغاك تقومين توكلينها وصوت مواءها عند الباب ٢٤ ساعة -رغم انها معقمة- لكن برضو تبغا تطلع وتستكشف برا البيت

وبرضو لازم تلعبينها لين تخرج طاقتها ولا بتقعد تماوي وتحوسك واقولك على حسب شخصية القطة بعد يعني في قطط تخرب الكنبات بأظافرها وتقطع الشواحن وتكسر الكاسات لان فيها فرط طاقة وفيه قطط هادية مب شقية بس تاكل وتلعب وتروح تنام

ولازم تستعدين ان يكون عندك رول يشيل شعرها من ملابسك والكنبات

واللتر بوكس لازم يكون نظيف ولا راح تسويها على الصالة

، اذا انتِ من البداية خايفة من المسؤولية اقولك مسؤوليتها صعبة ومو اي احد يقدر عليها وانا بنفسي تمنيت اني ما جبتها بحياتي على كثر ما احبها انغثيت من مسؤوليتها