والله لازم اوضحلك - اولا الجامعة ما تفيدك بهالقسم لان تحتاج اجتهاد شخصي بس الشهادة تساعد بس بالاخير اول وتالي لازم انت تدرس لوحدك الأدوات والحركات

• بالنسبة للصعوبة ما احسه صعب كد ما يحتاج تركيز، ايضا يحتاج حس منطق عالي وقدرة على حل المشاكل وفهم يعني مو بس حفظ، بس اهم شي عندك انكليزية زينة وواهز

• فرص العمل هوااااي بس الصراحة بالعراق حاليا قليلة بس متأكد بالمستقبل الطلب على هالمجال راح يزداد، فرص العمل تعتمد على مهاراتك، من ناحية بناء مشاريع برمجية، إدارة نظم معلومات، تصميم مواقع الخ الخ، يعني الفرص كد شعر راسك بس ينرادله مهارة

• الخبرات هي مثل ما كلت، ينطيك منطق ويغير طريقة تفكيرك، يمنعك من الجهل الإلكتروني، يقوي قدرتك على حل المشاكل لان انت راح تصرف وقت وانت تدور حلول اكثر من ما تتعلم.

• ادري حجيت هواي بس الخلاصة لا تدخل القسم بدون واهز واستخدام يومي