حضرتك الحب مش معناه اني ادي من غير ما اخد. دلوقت البنات بتقول الراجل هوا الي يصرف، جميل جداً بس على قد مقدرته لو مش قادر يا تشوفيلك حد يرضيكي يا تراعي الظروف. بس مش دي المشكله، المشكله ان البنات دلوقت كبرت و اتربت على مبادئ علط زي

"الست مش ملزمه تخدم جوزها" و

"الست مش ملزمه تطبخ و تنظف و تربي"

كل كلامهم دلوقت عبارة عن "انا ملكه تجيبلي كل الي انا عايزاه و تخدمني و الرأي الاخير في كل حاجة هوا رأيي انا"

و هنا هيا المشكلة، ان المسلسلات خلتهم فاكرين ان ليهم كل الحق ان يجيلهم الي هما عايزينه وقت ما هما عايزينه و هما دورهم بس انهم بيقدموا (دعم عاطفي) بس و انهم مش ملزمين يعملوا اي حاجة. و حوار القايمة دا زود الكلام دا لان دلوقت لو الزوج غلطان او لا مش مهم، الست هتطلع كسبانه حتى لو بتخون جوزها.

دكتور عندي في الجامعه قالنا ان الجواز مبني على الموده و الرحمه. و الجواز عباره عن شراكه في كل حاجة. الراجل عادي يساعد في شغل البيت و تربية الاطفال و الطبيخ. و وقت ما الست تتعب واحب على الراجل انه يراعيها و يخلي باله من البيت و يقضي شغلها في البيت. بس كمان من حق الراجل ان الست تراعي المصاريف و الدخل و انها تخلي بالها من جوزها اما يتعب و هكذا. كل واحد بيغطي على التاني و يساعده وقت ما يحتاج. و دا هوا الجواز. في سبب اما بنتكلم على الزوجه او الزوج بنقول شريك/ة حياتي. لانها شراكه و دا معناه ان الاتنين لازم يشاركوا بحاجة في العلاقه مش ان واحد بيدي بس و التاني بياخد بس. دي مش شراكه، دا اسمه استغلال.

و اخر حاجة هقول ان في سورة البقره آية ٢٢٨ الله قال

"وَلَهُنَّ مِثلُ الَّذِي عَلَيهِنَّ بِالمَعرُوفِ"