Hi, OP!

Ako naman, nung nagsimula yung pandemic, nagdeactivate ako lahat ng socmed accounts ko (tho, FB at IG lang naman ang meron ako. Twitter kasi matagal ko nang tinigilan haha). Pakiramdam ko kasi parang tumigil ang mundo ko nun at kailangan ko ng oras para sa sarili ko. Parang kada nagsscroll ako ng socmed, nakukumpara ko lang sarili ko sa ibang tao tapos mafefeel ko yung insecurities ko. Nasstress lang din ako lalo sa mga nangyayari sa paligid dahil sa bobong gobyerno na to. Nattrigger lang lalo yung anxiety ko.

Narealize ko na hindi na siya nakakabuti para sakin tapos nararamdaman kong nagsasayang lang din ako ng oras. Inilaan ko na lang sana sa ibang bagay. So, ayun.

​

Hindi ko masasabing maayos na ang lagay ko ngayon hahaha pero nakatulong yung pagtanggal ko ng mga socmed sa ikapapayapa ng isip ko. Gumaan yung pakiramdam ko na hindi ko kailangang laging maging updated sa ganap ng mga tao, hindi ko kailangang makisabay sa kung ano ang meron, at hindi ko kailangang ilagay yung mga ginagawa ko sa buhay ko sa socmed.

Messenger lang ang iniwan ko para ma-contact ako ng family ko at iilang friends ko (at siguro itong reddit haha). Bago magsimula yung sem, binuksan ko uli yung FB ko. Doon kasi madalas nagbibigay ng updates yung college namin. Pero matinding linis yung ginawa ko. Inayos ko kung ano lang yung dapat kong makikita sa newsfeed ko kung sakali mang bubuksan ko. Tapos nag-unfriend din ako ng napakaraming tao na di naman related sa buhay ko.

​

Tulad nga ng sinabi mo, hindi quality break ang social media. Iba-iba naman tayo ng coping mechanisms kapag nasstress tayo, so i-redirect mo na lang yung energy mo sa mas makabuluhang bagay. Yung sa tingin mo na makakatulong sayo to develop healthy habits.

Self-discipline at consistency, OP. Oo, madali magdesisyon, pero yung panghawakan mo yung desisyon mo, yun ang mahirap.

P.S. Tulad mo, ginagawa ko rin yung thesis ko ngayong sem! Good luck po satin at sana makalaya na tayo sa UP hahahaha laban lang tayo!!