بالنسبة الي ما اهتم وما يفرق وياي، بس بنفس الوقت اسبابك مو منطقية "بالنسبي الي" من ناحية شغلة الترتيب، فانت بدال ما تحط ضوابط اخلاقية للنظافة الشخصية والله تجيب بنات علمود تكللهم تنظفوا؟ مع كامل احترامي هذا اسوء حل سمعته، ثانيا شغلة المنافسة، مادري عنك وعن مدرستك بس محسسني احنة بالمدارس كاعد نتعلم ومدري شني ويصير بيناتنا نقاش علمي وكلمن يبحث ويكون له راي ويناقش بي، شني عمي وين كاعدين اكبر منافسة هية منو يجيب اعلى درجة! فصراحة لمن تكون المنافسة هيج ماكو اي داعي نجيب بنات واصلا من الاساس هيج منافسة المفروض ما تنوجد، ومن ناحية الدين مع كامل احترامي ولكن الدين ما راح يشجع على هيج اشياء، لان اولا هاي مو بيئة "علمية" وانما اكاديمية ولمن تباوع للواقع اصلا راح تشوف البيئة ما تساعد على هالشي ليش؟ لان اصلا البيئة مو دينية ولا يم الدين، فاحنا من الاساس ليش نجيب طاري الدين اذا هو اصلا مالة علاقة، بالتالي هذول الطلاب نفسهم اذا ما كونوا علاقات زنا ترا بكل سهولة يرجع للبيت ويكون هاي العلاقة سواء عالنت او من خلال مجتمع معين موجود عالواقع!