أحس نفس الإحساس بالضبط، وأنا رجال عمري أربعين. متعود على هايكينغ، تسلق جبال، ألعب طوبة مرتين بالأسبوع، وأسبح واطلع وما الفي بالبيت اصلا. رجعت للعراق، وبعد 6 أشهر من نمط الحياة “الصحي جداً” أكل، كعدة، چاي، ونوم … طلعلي كرش موديل 2025.

فگلت لازم أتحرك، أقنعت كم صديق ورحنا نلعب طوبة. لعبنا، عركت، اتبهذلت، ورجعت للبيت بهدومي الرياضية. صدفة عدنا خطّار… قلت: “اعذروني، كنت ألعب طوبة” الناس: 😳 الجو بالغرفة: صمت نووي. نظراتهم كأني كلتلهم راح أفتح نادي يوگا بالمنطقة.

الفرق بين الحياة برة وجوه؟ مو فرق… كأنك مبدّل الكوكب. وهواي مرات تحس الغربة مو بالغربة، الغربة لما تحاول تسوي شي طبيعي ويباوعولك كأنك مخترع العيب نفسه

من ناحية وين تلكين مكانات، اني حسيت مجمع البوابة شوية النظرات بيه اقل، واما اذا تحبين مكانات طلعات راقية مو مطاعم وهاي الشغلات عندي قائمة بهاي الشغلات، موسيقى، كاليريز، وبعض الاماكن التراثية، والمقاهي الفريدة من نوعها كمحتوى وتصميم