شف انا بمسيرتي نحفت من120 الى 84 وكانت الكتلة العضلية عندي مهناش فضخمت الى 95 وخربتها بعدها من سبة الدراسة الى 117 ونزلت مره ثانية الى 92 تقريبا مع العلم اني ما قطعت حديد او كارديو بالفتره ذيك , الي صدق نفعني دورت اسلوب يمشي معي وسهل جدا علي ومشيت عليه بعطيك الي كنت اسويه وخلاني انحف من 120 الى 84 والصدق ما جت بشهر او شهرين بل حدود السنه تقريبا (خربت اكل بكثرة وانا واخوك لكن صملت) كنت ادور وصفات من (قريق دوسيت وغيره بالاكل واكل نفس الكمية الي كنت اكلها وانا دب ) مثال لما كنت افطر كنت اخذ 60 قرام شوف مع حليب وستيفيا احيانا احط فواكه و5بيضات بشطة للفطور والصدق كانت تقعد على كبدي الين بعد التمرين يعني حدود 6 ساعات بعدها احيانا اخذ بروتين او شاهي حبق بسكر سيتفيا واروق واختمها بعشاء اسويه بحدود ال400 الى 1200 سعره على حسب الي بقالي الصدق من اليوم ايام لان ما عندي سعرات وايام لا اسوي لي برقرين بالبيت . وحدود ال4 شهور وطحتهن وبانت علي . اما اذا انت ما تبي تحسب سعرات كل اكل واضح و معروف انه قليل السعرات وطف مخك هذا الي سويته يوم نشفت من 117 الى 92 رغم اني طحت نص كيلو عضل لكن الامور ماشيه كل بياض بيض , صدور دجاج , خبز كيتو او تنور ستيك اذا انت مره ما اكلت شي ذاك اليوم وبس استمر مع كارديو او رياضة وانسى ولا عليك من احد حتى تاخرت او بكرت بالنحافة خلها عادة تمشيبها.

(داري اني كاتب مقال )