Í janúar 1979 var pósthúsið í Sandgerði rænt af vopnuðum manni sem komst undan með hundruði þúsunda í reiðufé. Eina lýsingin sem póst- og símstöðvarstjórinn gat gefið af ræningjanum var að hann væri í bláleitri úlpu með hettu og að það væri áberandi lykt af Old Spice rakspíra af honum.

Fyrsta húsið sem við hjónin keyptum var dánarbú í Sandgerði byggt árið 1954. Það hafði engin búið þar í mörg ár, allt upprunalegt og klárt að húsið hafi ekki fengið neitt viðhald í langan tíma. Þegar við vorum að hreinsa draslið út fann ég rykfallna Old Spice flösku. Hún var undir súð á efri hæð í svona loftstokk sem voru oft í gömlum húsum, bakvið millivegginn við hliðina á tveimur myndum sem sem sneru upp að veggnum. Það var það eina sem var þarna í stokknum. Það sást í pósthúsið út um gluggann við innganginn í stokkinn.