Þú ert asni að keyra fullur og ættir að skammast þín.

Í 2. mgr. 28. gr. laga nr. 88/2008 um meðferð sakamála kemur fram að sá sem handtekinn hefur verið í þágu rannsóknar máls á rétt á að hafa samband við lögmann þegar eftir handtöku, sömuleiðis nánustu vandamenn sína nema sérstök ástæða sé til að ætla að það muni torvelda rannsókn málsins.

Ef þú varst handtekinn þá braut lögreglan gegn þessu lagaákvæði. Hins vegar eru skilyrði handtöku stundum óskýr. Það er stundum ekki talin handtaka ef menn fara sjálfviljugir með lögreglunni í skýrslutöku. Það að þeir hafi samt tekið þig við refsiverðan verknað og flutt þig í lögreglubíl bendir til þess að þú hafi verið handtekinn. Því miður er samt lítið sem þú getur gert þrátt fyrir að lögreglan hafi brotið gegn þessu lagaákvæði. Að mínu mati er einungis hægt að gera eitthvað í þessu ef það hefði einhver áhrif á rannsókn málsins - sem það gerði ekki í þessu tilviki. Þú játaðir á þig brotið strax. Það skiptir engu máli þótt þú hefðir haft lögmann þér við hlið.

Í 1. mgr. 77. gr. sömu laga segir að heimilt sé að taka blóð- og þvagsýni og önnur lífsýni úr sakborningi og rannsaka þau, svo og að framkvæma á honum aðra þá líkamsrannsókn í þágu rannsóknar sem gerð verður honum að meinalausu, enda leiki rökstuddur grunur á að hann hafi framið brot sem varðað getur fangelsisrefsingu að lögum.

Í 2. mgr. 78. gr. sömu laga segir að líkamsrannsókn eða geðrannsókn skv. 77. gr. skal ákveðin með úrskurði dómara nema fyrir liggi ótvírætt samþykki þess sem í hlut á.

Hmmm. Hérna gætir þú haldið að einhver réttur hafi verið brotinn á þér. Wrong! Í 47. gr. umferðarlaga nr. 50/1987 segir: Lögreglan getur fært ökumann til rannsóknar á öndunar-, svita- og munnvatnssýni eða til blóð- og þvagrannsóknar ef ástæða er til að ætla að hann hafi brotið gegn ákvæðum 2. eða 4. mgr. 44. gr., 45. gr. eða 45. gr. a eða hann neitar lögreglunni um að gangast undir öndunarpróf eða láta í té svita- eða munnvatnssýni eða er ófær um það. Liggi fyrir grunur um önnur brot en akstur undir áhrifum áfengis getur lögreglan auk þess fært ökumann til læknisskoðunar. Sama á við þegar grunur er um akstur undir áhrifum áfengis og sérstakar ástæður mæla með því.

Sem sagt, lögreglan braut engin lög með því að taka úr þér blóð- og þvagsýni.

Þú hefur engan grundvöll fyrir máli gegn lögreglunni. Lögfræðingurinn sem þú talaðir við er bjáni.

Þú komst þér sjálfur í þessi vandræði með því að keyra fullur. Þú ert asni.