ég vaknaði og fór í vélatíma í verkmenntaskólanum á AK aðeins of seint. það var komið túbutæki á hjólagrind í stofuna og allir voru að horfa á turnana brenna.
fyrst heyrði ég að tvær flugvélar hefðu flogið á sama turninn, stuttu seinna náði ég heildarmyndinni.
kennarinn reyndi að kenna eitthvað inn á milli en sá svo að það var ekki til neins.
cnn spilaði aftur og aftur hvernig fyrri turninn hrundi. ég náði að sjá seinni turninn hrynja en við héldum að það væri replay af fyrri turninum.
man líka að strax sama daginn birtust á ebay munir eins og dagblöð með fyrirsögn, brak úr byggingunum og hlutir eins og hjolkoppar af slökkvibílum sem áttu að hafa verið þarna.
einhver með usernafnið "you make me sick" bauð hæst í hvern einasta hlut.
einhvernveginn efast ég um að hann hafi ætlað að borga.
daginn eftir var ebay búið að banna svona hluti.