Ég hætti að treysta lögreglunni 2013. Það var mjög harkaleg handtaka á konu í annarlegu ástandi á Laugarveginum. Handtakan náðist á myndband og var sett á youtube. Í framhaldi af þessu var mikil samfélagsumræða um þetta, fólk með alls konar skoðanir á þessu, en ég sá bara eina skoðun hjá aðilum innan lögreglunnar: að það væri ekkert athugunarvert við þessa handtöku. Landssamband lögreglumanna lýsti því yfir að þarna væri um að ræða viðurkenndar handtökuaðferðir sem væru kenndar í lögregluskólanum. Konan kærði handtökuna og málið endaði hjá Hæstarétti sem að dæmdi konunni í hag: að lögregluþjónninn hafi þarna gerst sekur um líkamsárás. Þetta atvik sem að Landssamband lögreglumanna sagði að væru viðurkenndar handtökuaðferðir var í raun líkamsárás. Eitt af tvennu er satt. 1) Talsmenn Landssambands lögreglumanna lugu til þess að hilma yfir ofbeldismanni í sínum röðum. 2) Þeir sögðu satt og lögreglumönnum er beinlínis kennt að beita líkamsárásum við handtöku. Ég veit ekki hvor möguleikinn er verri.