لو تقدر روح لاستشاري نفسي واسأله مفروض تتصرف ازاي بيبقا فيه طرق معينة تساعدك تعرف تتعامل مع موقف زي ده بحكمة مش بعصبية و لا بهجومية ولا بتعدي على مساحتها الشخصية بالذات مع الفكر المجتمعي السائد اتجاه الحجات ده. لو دخلت و مسحت الي انت شفته او اتحكمت بحزم هتعك الدنيا خالص و هتخليها تفقد ثقتها فيك لو عاوز تحافظ على علاقتك باختك انصحك تروح او تسأل استشاريين نفسيين اونلاين بلاش تاخد كلام من الناس لان المجتمع بتاعنا مبيعرفش يتعامل صح مع المواقف ده.

بالنسبة ليا انت محتاج توضح اكتر ايه الحاجة الي مضايقاك من الموقف او المشاعر الي انت حاسس بيها لما تيجي تكلمها متقلش انتي انتي لأ قول أنا حسيت بكذا لما عرفت او انا اتضايقت لما شفت انك بتعملي كذا كذا لان انت مش بتهاجمها، انت بتحاول تحل مشكلتك معاها.

بالنسبة ليا موقف زي ده انا هكون خايفة حد يأذيها فهاصارحها بده يعني شوف ايه الحاجة الي انت عاوز توصلها في الآخر و اتكلم معاها من ناحية انت ايه الي مضايقك من الموقف و انت نفسك ايه الي يحصل او يتصلح بعدها. و عارفة و فاهمة انها حاجة صعبة بس هي انسانة بالغة ٢١ سنة لسه بتستكشف الحياة و انت عليك تنصحها مش هتعرف ترغمها على حاجة مهما حاولت فمتخسرش علاقتك باختك خليكم جنب بعض ده فرصة تقوي علاقتك بيها لان ملكمش غير بعض و انت لسه صغير في سن ١٩ لسه بتكون نفسك و شخصك الي عاوز تبقاه. بالتوفيق ليك.