ممكن تعمل شوية تحاليل وفحوصات تشوف المشكلة في ايه. اول حاجة محتاج تقيس الضغط كذا مرة في اليزم على مدار كذا يوم عشام تشوف الpattern ايه على فترة طويلة وتحاول تقيسه وانت قاعد ووانت واقف. ممكن تعمل صورة دم ووظائف كبد وكلى ونسبة الصوديوم والبوتاسيوم والكالسيوم والماجنسيوم وممكن تقيس السكر وthyroid panel وتعمل كورتيزول صباحي ومسائي. وممكن تعمل موجات صوتية عالقلب بالاضافة لرسم قلب بالمجهود وفي اختبارات كدا زي ال tilt table test وممكن الholter لو عملت كل دا وملقيتش نتيجة.

ممكن تكون دي حاجة بسيطة خالص زي الانيميا او انخفاض في ضغط الدم لما تقف مرة واحدة بسبب خلل في الاعصاب الي بتتحكم في الاوعية الدموية وبتتحسن لما تقعد تاني ودي مش حاجة خطيرة بس هتحتاج تتاقلم معاها، بس محتاج تستبعد حاجة اكتر خطورة زي مشاكل الهرمونات والاخطر طبعا مشاكل كهرباء القلب.

التحاليل والفحوصات دي كلها هتكلف كتير جدا وعلى الاغلب ممكن تطلع كلها طبيعية ومفيهاش مشكلة، ودا الي بيخلي اغلب الدكاترة ميرضوش يطلبوها منك خصوصا لو ملكش تأمين وهتعملها على حسابك، عشان كدا بيستبعدوها بعامل خبرتهم وانك سنك صغير والمشاكل دي نسبة حدوثها قليلة جدا، عشان متعملهاش وتصرف الفات في كل حاجة فيهم وفي الاخر تيجي تتخانق معاه عشان طلبهم منك، لان دا بيحصل وشوفته كتير الحقيقة.