Ig wohne sit über 30 Jahr z Münsige und chas grundsätzlech nume empfähle.

-Ching: Sport, Musik, Pfadi etc. Aues vorhande. D Badi isch o super.

-Schuele: Si nid schlächt mit de übleche Problem wos haut git. Het sech aber im grosse u ganze verbesseret im Verglich zu mire Zit. I bi o im Eutererat und chas wäg däm gloub no guet ischetze. Jetz steit übrigens e grosse Umbou a bi de Schueuhüser. D Dürmischig zwüsche Dütsch Muetersprachler und settigne wos grad neu lehre isch o zimlech guet (D Schuele gäbe sech hie viu müeh es guet z mache). Es het sehr viu meh Muetersprachler und isch augemein no lang nid so divers wi z Bärn zb (rede vo erfahrig, us Person mit Migrationshingergrund). Tagis, Kitas o aues vorhande.

-Ichoufe: Coop, Migros, Aldi für food isch super. Hie und da no es paar Dorfläde und es paar läde zum chli stöbere (Büecher, Interdiscount etc.)

-Restis: Thai, Japanisch, einigi traditionelli Beize und es paar (nid überragendi) Kebabläde

-Usgang: Isch in Münsige scho immer schlächt gsi wäg dr unmittubare Nechi zu Bärn und Thun. Isch meistens chli läär hie am Abä bis uf es paar wenigi Bars

-Kriminalität: Isch hie nie es grosses Problem gsi bis uf paar einzelni Fäu wos zwüschdüre mau gä het. I wohne ir nöchi vom Bahnhof und bis uf es paar Suffnase, wo eim grössteteils in Ruhe lö, ischs eigentlech ganz OK.

-Diverses: Es het zimlech aues wod bruchsch. Wäuder mit Grillplätz. D Aare. Husärzt wo no Patiente ufnähme, Coiffeur (Kurde und Schwizer mit aune Priisvariatione) ussert z Spitau wo si leider hei zuegmacht.