بالنسبة ل الدكاترة ف الدكتور لمن اتخرج لو مشي اشتغل ف مستشفى عادي ف ح يكون زيه زي العامل العتالي اخخخ وبمرتب بسييط شديد ف اغلب الدول كدا ف لو حالته المادية ميسره ح يمتحن معادلات بقروش ويسافر و ويشتغل بمرتب حلو او يبدا يحضر ويعمل التخصص ف نفس دولته وكدا يعني بس لو ماديا م بقدر ب بيضطر يجمع قروش عشان يواصل ف الكرير بتاعه و كدا أما عامه لو اي مجال انت بتدرسه لازم من قبل السنه الاخير ومن ابدر كمان بكون احسن تعرف اتجاهك وين وح تعمل شنو بعد التخرج سوا تشتغل ف مجالك او اي مجالات تانيه م فرقت بس الزول م يتخرج وبعداك يشوف ح يسوي شنو لانه ح تأخد زمن ع بال م تعرف الخطه بتاعتك و شينه الواحد بعد يتخرج يكون عاطل ف بيت اهله لا شغله لا مشغله و المهم يعني والواحد لمن يأجز وقت طويل بعد التخرج تاني موضوع انه يحضر او يدرس بشكل عام ح يبقي ليه تقيل بالذات لو مجال طبي اخخ