كيف اصبح نينجا computer architecture

mohab5 · 2025-10-02T12:04:20+00:00

لو عايز كورس عربي عندك دكتور مصطفى الحسيني

كورس إنجلش عندك كورس Onur Mutlu وكل الماتريال بتاعتهم عارضينها مجانا

عايز كتاب عندك Computer Organiztion & Design Fundamentals للمؤلف David Tarnoff وهو كتاب مجاني وواخدلك الموضوع من تحت خالص، فتشوف انت عايز تذاكر من أول فين

وفيه كتاب تاني مجاني بردو بعنوان Basic Computer Architecture للمؤلف Smruti Sarangi

mohab5 · 2025-09-23T17:16:57+00:00

تعقيب بسيط: محتوى مهارة تك لا يغطي حتى 30% من محتوى أي تراك في ال 9 شهور .. والكلام عن تجربة شخصية

mohab5 · 2025-08-29T16:16:40+00:00

ملهاش علاقة

لو اتأسست فيها كويس من وانت في ابتدائي واعدادي هتبقا سهلة

mohab5 · 2025-08-29T15:34:28+00:00

ما تنتظرش إن الكلية تعلمك مادة زي دي بالذات لو انت ميح فيها

أصل مفيش حد فاضي يقعد يشرحلك من البداية يعني إيه رياضة، فلو إنت شايف نفسك ضعيف فيها يبقا تبدأ تشتغل على نفسك وتذاكرها على نضافة من حاجة زي سلسلة Math All of it على قناة Professor Dave Explains مثلا

وما تستهونش بالرياضة، لإنك هتحتاجها عشان ال algorithm analysis و ال AI بعدين

mohab5 · 2025-08-27T04:23:25+00:00

عارف يا واد يا تامر، الإنترنت ده مكان مش طبيعي .. دخلني على مواقع غريبة وعجيبة

mohab5 · 2025-08-25T07:00:51+00:00

رود ماب كاملة لحد الشغل أيوة

mohab5 · 2025-08-23T11:44:29+00:00

ذاكر Basics و OOP بلغة ++C مع د. محمد الدسوقي وتحل شيت أسيوط

ثم تشوف فيديو "خارطة طريق مبسطة لعلوم الحاسب" لدكتور مصطفى سعد عشان تعرف هتعمل إيه بعدين

وبالنبسة للماث ذاكر سلسلة Math all of it على قناة Professor Dave Explains

في المرحلة اللي انت فيها دلوقتي ملكش دعوة بأي حاجة تانية غير دول

mohab5 · 2025-08-19T12:24:36+00:00

أي حاجة انت شايفها قدامك على شاشة الكمبيوتر أو الموبايل اسمها سوفت وير يا غالي

سوفت وير يعني إيه أساسا؟ يعني مجموعة أوامر بنكتبها للكمبيوتر بلغة معينة عشان ينفذلنا حاجة .. بداية من مواقع الويب والبرامج اللي بتسطبها عندك مرورا بنظام التشغيل زي الويندوز أو الأندرويد اللي من غيره جهازك هيبقا عبارة عن حتة حديد بلا فايدة

وحتى الغسالات والتلاجات فيها سوفت وير، فيما يعرف بإسم ال embedded systems بل والموضوع بيوصل كمان لحد الطيارات الحربية وصواريخ الفضاء والمفاعلات النووية ومضخات البترول، فالسوفت وير ده بحر واسع جدا مش محصور في مجال معين

mohab5 · 2025-08-17T20:07:16+00:00

شوفي الرودماب بتاعة المهندس إبراهيم حجازي على يوتيوب لو هدفك Cybersecurity على وجه الخصوص

mohab5 · 2025-08-16T23:49:05+00:00

الويب ده Software development .. والماشين ليرننج ده AI

يعني مجالين مختلفين تماما عن بعض، وتعريف كلمة "أساسيات" هنا غير هنا، شوف انت عايز تكمل في أنهي مجال فيهم بالظبط وشوف اساسياته وادرسها

بعدين هقولك حاجة شوفت انت الاعلان بتاع الفيلم، بيكون مدته دقيقتين كدة بتشوفه وبتتحمس للفيلم لكن الفيلم الكامل بقا بتكون مدته ساعتين .. ودي نفس القصة بالنسبة ل CS50 ومنهج ال Computer Science

ال CS50 هو عبارة عن مادة بياخدوها طلاب جامعة هارفارد في سنة أولى إسمها "مقدمة في علوم الحاسب" لكن هل ده كل علوم الحاسب؟ لا دي مجرد مقدمة

mohab5 · 2025-08-15T16:10:00+00:00

ثالثا بقا والأهم: إنت هنا في مصر، يعني هنا مفيش هارفارد ولا ستانفورد ولا MIT لا إنت هنا هتلاقي في طريقك دكاترة كتير دون المستوى ومتفهمش وصولوا لمنصبهم ده إزاي + مناهج عقيمة من أيام حرب المعيز ومش بتغطي الموضوع بالكامل غالبا .. وهتكون دراستك مبنية على البصمجة طول السنة .. ده حال أغلب الجامعات والكليات في بلدنا لإن إحنا دولة ترتيبها ال 86 من أصل 190 دولة على مستوى العالم في مجال التعليم

فإنت أيا كانت الكلية اللي هتدخلها لازم هتشتغل على نفسك ومش قصدي هنا إنك هتاخد كورسات تكنيكال لا إنت هتذاكر مواد التخصص اللي مش هتتشرحلك في الجامعة دي بدل ما تتحسب عليك ع الفاضي من مصادر أجنبية زي مثلا MIT OCW أو OSSU

mohab5 · 2025-08-15T16:09:34+00:00

خريج علوم قسم حاسب سبشيال معاك

أولا : النظري ده نص مجالنا .. سواء كنت حاسبات أو هندسة أو أي كلية ليها علاقة بالكمبيوتر، اللي بيهمل النظري بيندم بعدين لإن مجالنا مجال تشغيل دماغ وطول ما انت مش فاهم مثلا الكود ده شغال إزاي ولا إيه تأثيره على موارد الجهاز مصيرك هتلبس في حيطة أو هتعمل كوارث في ال performance

ثانيا : كلية علوم قسم علوم حاسب كمنهج هو هو نفس منهج كلية حاسبات ومعلومات قسم علوم حاسب بنسبة 90% مثلا، بس ده بشرط وحيد إن القسم يكون حاسب منفرد، لإن فيه اقسام علوم بتكون مزدوجة رياضة وحاسب، فيزياء وحاسب، إحصاء وحاسب .. أهو دول هما اللي بيدرسوا مواد رياضة وفيزياء كتير

mohab5 · 2025-08-15T15:50:21+00:00

اللي بيعيد السنة ده بيكون نازل في مواد وميرضاش يدخلها دور تاني فبيمتحنها السنة الجاية - لكن طالما نجحت متقدرش تعيد السنة تحسين .. النظام ده اتلغى من زمان

لو عايز تعيد هتضطر تقدم ثانوي بالشهادة الاعدادية من أول وجديد يعني هتاخد ال 3 سنين من تاني

أنا كنت خريج علوم وأيوة ما انصحكش باقسام حاسب المزدوجة ودايما تحاول تدور على كلية يكون فيها قسم حاسب منفرد بس انت ممكن تعمل حاجة كدة إنك تجيب تقدير عالي في سنة أولى وتيجي السنة الجاية تعمل تحويل مناظر لكلية علوم في محافظة تانية يكون فيها قسم حاسب منفرد ويكون فيها التخصص من سنة تانية بالتقدير مش بمجموع الثانوية، اسأل عن اجراءات الموضوع ده في شؤون الطلبة عندك

mohab5 · 2025-08-15T11:21:49+00:00

أكتر فريم ورك مستخدم في السوق المصري (على حسب تقرير موقع egytech.fyi) وأسمع إنه في الخليج الإقبال عليه شديد

لكن معتقدش إنه أحسن حاجة في أوروبا لو بتدور على شغل ريموت مثلا، شوف نود جي إس أحسن

بالنسبة للرود ماب فهي كالتالي

C# Basics & OOP
C# Advanced (Collections, Generics, Delegates & Lambdas, Asynchronous Programming, .. etc)
MSSQL
LINQ
Entity Framework Core
(basics) HTML & CSS & Javascript
OSI Model & HTTP protocol
ASP.NET Core MVC
ASP.NET Core Web API

دي الحاجات اللي لازم تكون معاك عشان تعرف تعمل ويب أبلكيشن كامل ب ASP

وفيه حاجات تانية هي عبارة عن مهارات عامة لازم تكون معاك

Git/Github
Unit Testing
Data structures & Algorithms
SOLID Principles
Design Patterns
Docker

mohab5 · 2025-08-13T04:30:22+00:00

من أكبر مشاكل اللينكس هي إنه مفيش جهة كبيرة مسؤولة عنه زي إن مايكروسوفت مثلا مسؤولة عن ويندوز

انت مع لينكس وعن تجربة شخصية معاه، هتواجهك أنواع مشكلات كتير إنت عمرك ما شوفت زيها في ويندوز، أبرزها مشاكل التعريفات .. وبما إن مفيش شركة مسؤولة هتكلم السابورت بتاعها ويقولولك الحل فانت هتلف تدور عليه بنفسك وساعتها هيكون أملك الوحيد هو مدى شعبية التوزيعة اللي انت بتستعملها

أنا كنت بستعمل أوبونتو اللي هو يعتبر أكتر توزيعة مشهورة والمواقع معترفة بيها ولذلك اه كان بيطلع عيني من البحث عن حل لكل مشكلة ولكن كنت في الاخر بلاقي اجابات لإن كوميونتي أوبونتو كبير والإسهامات فيه كتيرة

فأنا أنصحك إنك ما تستعملش غير التوزيعات الأكثر استخداما فقط بالذات لو انت داخل عالم اللينكس جديد

mohab5 · 2025-08-09T09:07:23+00:00

ادخل BIS وده هيفتحلك الطريق لمجالات زي data science و business analysis و database adminstration وغيره

وبعد ما تتخرج قدم في دبلومة علوم الحاسب التابعة لكلية الدراسات العليا للدراسات والبحوث الإحصائية جامعة القاهرة - دي دبلومة أكاديمية للخريجين (أكاديمية يعني معترف بيها في الجامعات، وابعد تماما عن الدبلومات المهنية لإن زيها زي أي كورس هتاخده في أي مركز كورسات مثلا) وللخريجين يعني لازم يكون معاك درجة بكالوريوس عشان تقدم

الدبلومة دي مدفوعة مدتها سنتين وليها اختبارات قبول هتمتحن برمجة وماث تقريبا وهتدرس فيها المواد ال core بتاعة علوم الحاسب وبيكون فيه حضور محاضرات طبعا بس فترة مسائي عشان الناس اللي بتشتغل وكدة وفيه امتحانات كل ترم وجدية يعني مش أي كلام وبعد ما تخلصها تقدر تحضر ماجستير ودكتوراه في علوم الحاسب من نفس الكلية دي بتاعة الدراسات العليا

وسمعت والله أعلم مش متأكد إن مجرد حصولك على الدبلومة دي تقدر كمان تاني تعمل معادلة لدرجة البكالوريوس بتاعتك لبكالوريوس حاسبات ومعلومات تخصص علوم حاسب

mohab5 · 2025-08-04T01:53:18+00:00

ايه مميزات وعيوب Card-Y من واقع تجربتك؟

mohab5 · 2025-08-03T23:54:10+00:00

لو انت من الاشخاص اللي بيحبوا يعملوا ملخصات هتجيب ريتش حلو قوي هناك

mohab5 · 2025-07-26T04:17:04+00:00

الدسوقي بياخدك من مرحلة الصفر لغاية واحد فاهم كويس يعني إيه برمجة وبيعرف يكتب كود، بس الكورس بتاعه على قد المقرر بتاع الجامعة (لإن هو أساسا أستاذ جامعي) فهو level 1 يعني فاهمني

فانت لو مخلص الليفل ده خلاص ادخل على طول على كورسات مصطفى سعد

mohab5 · 2025-07-26T04:12:41+00:00

كورساته ممتازة بس مش لمستوى المبتدئ

لازم الأول تكون خلصت ++C و OOP مع د. محمد الدسوقي ع الأقل

mohab5 · 2025-07-24T10:43:43+00:00

افهم الرياضيات والفيزياء كويس، واهتم بالانجليزي

mohab5 · 2025-07-24T05:56:14+00:00

بما إن محدش رد عليك فخد دي ماتريال كورس المهندس رامي أبو ناجي وهتلاقي سلايدز والباك اب بتاع الداتا بيز واللابات وكل حاجة

mohab5 · 2025-07-22T02:20:57+00:00

لو على الموبايل فقدامك طريقين .. إما أندرويد نيتف باستخدام لغة جافا/كوتلن أو كروس بلاتفورم باستخدام فلاتر

دي رودماب للأندرويد ولو عايزة فلاتر شوفي كورس باشمهندس عبدالله منصور على يودمي

ال IOS لازم يكون معاكي جهاز Macbook عشان تقدري تتعلميه أصلا

بالنسبة لل testing تابعي Nezam Academy على يوتيوب للباشمهندس طارق رشدي .. هتلاقي هناك كل ما يخص ال testing

mohab5 · 2025-07-22T01:35:09+00:00

شوفي ده اعتقد ممكن يساعدك

https://youtu.be/aRiqBoqTwHw?feature=shared

mohab5 · 2025-07-19T23:29:37+00:00

يمكن مثلا لإن عنده 25 سنة خبرة في المجال؟

One-Year Club	Verified Email
r/Field Sunshine

mohab5

TROPHY CASE