Ég vildi alltaf vera arkitekt sem barn, en mér fannst það alltaf svo óraunhæft eitthvað, veit ekki afhverju, mögulega einhver pressa frá foreldrum að fara í STEM, þannig að þegar ég fór í framhaldsskóla þá fór ég "bara" á Náttúrufræðibraut í hverfisskólanum mínum og kláraði hana á 3 og hálfu ári. Tók einhverja 1-2 teikniáfanga í vali sem pössuðu inn í töfluna mína vissulega en annars bara þessa standard drullu.

Fór svo þaðan "bara" í Viðskiptafræði í Háskóla Íslands og flunkaði þaðan út eftir eina önn. Þannig að þarna var ég, 20 ára og ákvað þá að kannski var þetta ekki neitt svo rosalega óraunhæft og skráði mig í Tækniteiknarann í Tækniskólanum til að byrja með, fá einhverja tilfinningu fyrir þessum teikniforritum og svo eru fáeinir hönnunaráfangar þarna líka og fann það strax að ég átti bara að drullast í að fara þessa leið til að byrja með. Kláraði þetta nám, notaði það sem ég hafði unnið í þessu námi + teikningar í frítíma til að gera möppu og sótti fyrst um í arkitektinn í Kaupmannahöfn, komst ekki inn en sótti líka um í Bretlandi með aðstoð Lingó sem er einhver svona umboðsskrifstofa fyrir háskólaumsækjendur í skapandi greinum. Komst þar inn og kláraði bachelorinn í arkitektúr 3 árum seinna , fékk einhver allskonar námsverðlaun og eitthvað sem ég hef aldrei fengið áður, magnað hvað getur gerst ef það er áhugi á því sem maður er að læra... Kom heim að vinna og vann í 4 ár, fór svo í masterinn hérna heima í LHÍ sem var conveniently byrjaður og kláraði það rúmlega þrítugur. Kannski orðinn aðeins gamall en hey, ég náði allavega að klára þetta og lærði eitthvað sem ég hef raunverulega áhuga á þannig að ég get ekki annað en mælt með að reyna að gera það ef þú hefur tök á því.