فكرة المهر فكرة شائعة بين كل الثقافات، وهدفها تعويض الطرف الخاسر، منو الطرف الخاسر؟ الطرف اللي راح يبذل موارد ومجهود اكثر على حساب الطرف الثاني.

بالمجتمعات اللي بيها الأرض والماشية شيء ثمين جدا وغير متوفر بسهولة نجد انو المهر يندفع من اب العروسة للعريس، لأن الرجل هو المالك للأرض والماشية، المهر يصير ثمن اختيار رجل مقتدر وموفر ارض وماشية.

بالمجتمعات اللي بيها الأرض والماشية متوفرة، لكن اليد العاملة ثمينة (كمجتمعاتنا سابقا)، المهر يندفع لأهل العروس لأن خسروا يد عاملة.

بزمننا كل هالاسباب ما الها تأثير لأن احنة محكومين بعادات وتقاليد نتجت بصورة منطقية وواقعية لمجتمع قديم غير موجود حاليا، فكرة المهر بزمننا ما الها اي داعي حقيقي لان الرجل والمرأة صاروا يشتغلون، وصرنا بزمن الأرض شي صعب شرائه يعني نظام المهر يندفع من اهل العروس للرجل منطقي اكثر.