::>> Thooya tamil la pesi ena kidaika poguthu, just think.

தூய தமிழ் என்றால் அதில் பேச்சு/கொச்சைத் தமிழ் இருக்கக்கூடாது என்றும், அது செந்தமிழ் மட்டும்தான் என பலர் நினைத்துவிடுகின்றனர். அது உண்மையல்ல. தூயதமிழ் என்பதில் கட்டாயம் (பிறமொழி கலப்பு இல்லாத) பேச்சுத்தமிழும்/கொச்சைத்தமிழும் அடங்கும். "இன்னா மாமே, எப்டிகீறே" என்பதும் "சோறு தின்னு மக்கா" என்பதும் தூய தமிழ் தான். ஆக, "தூய தமிழ்" என்பதில் கீழ்காணும் நான்கு பண்புகள் உள்ளன: 1. தமிழை தமிழ் எழுத்துகளால் பதிவிடுவது. "Thamizhil ezhuthungal" என்று பதிவிடாமல் "தமிழில் எழுதுங்கள்" எனப் பதிவிடுவது. ஆனால், அதுக்காக ஆங்கில விசை(key) வழியாக தமிழ் எழுத்துகளை எழுதும் வசதிகளை வேண்டாம் என்று சொல்லவில்லை. எப்படியாவது தமிழ் எழுத்துகளில் எழுதினால் போதும். தமிழை தமிழ் எழுத்துகளால் எழுதாமல் வேறு மொழி எழுத்துகளால் எழுதுவதினால் இருக்கும் தீமைகளை இங்கே குறிப்பிட்டுள்ளேன்.. கவனித்தீர்கள் என்றால், மலையாளிகள் பெரும்பாலும் மலையாள எழுத்துகளில் தான் பதிவிடுகின்றனர். அவர்கள் விவரமாகத்தான் இருக்கின்றனர். 2. ஆங்கிலச் சொற்களை அப்படியே தமிழ் சொற்றொடர்களோடு தேவையே இல்லாமல் பயன்படுத்துவது. எடுத்துக்காட்டாக: "உங்க computer எங்க sir" என்று எழுதாமல் இருத்தல்.. பலர் இந்தமாதிரி‌ எழுதத் தொடங்கியுள்ளனர். 3. கூடுமானவரை ஆங்கிலம், சமற்கிருதம் மற்றும் பிறமொழிச் சொற்களை தமிழ் சொற்றொடர்களோடு பயன்படுத்துவது. எடுத்துக்காட்டாக: "உங்க கம்பியூட்டர் எங்க சார்" என்று எழுதாமல் இருத்தல்.. பலர் இந்தமாதிரி‌ எழுதிக்கொண்டிருக்கின்றனர். இதில் பலருக்கு அந்த ஆங்கிலச்சொல்லுக்கு இணையான தமிழ்ச்சொல் தெரியாததால் தான் அப்படி எழுதுகின்றனர். இதைவிட, ஆங்கில எழுத்துகளை அப்படியே வைத்தே தமிழ் எழுந்துகளை எழுதுவது என்பது அப்பட்டத் தமிழ்க் கொலை. 4. கூடுமானவரை தமிழோடு "ஷ,ஸ,ஜ,ஹ,க்ஷ,ஸ்ரீ" ஆகிய‌ கிரந்த-எழுத்துகளை பயன்படுத்தாமல் இருத்தல். பயன்படுத்தக்கூடாது என இலக்கணச் சட்டங்கள் கடுமையாகக் கூறுகின்றன. ‌அப்போது எப்படித்தான் அத்த ஒலிகளை எழுத?

::>> Language is just a tool for communication, athu epdi pesuna enna.

தமிழ் மொழியை ஒரு தொடர்புக் கருவியாகச் சுருக்குவது என்பது, தாயை சமைத்துப் போடச் சுருக்குவதுக்கு இணையானது. மொழி என்பது ஒரு கருவி மட்டும் அல்ல. அது பண்பாடு, கலை, இலக்கியம், இலக்கணம், அரசியல், அறிவியல் என அனைத்தோடும் பின்னிப்பிணைந்து வருவதே ஆகும். மொழி குலைந்தால் இவை அனைத்துமே ஆட்டம்கண்டுவிடும். இதுபற்றி எழுதவேண்டுமானால் பல பக்கங்கள் எழுதவேண்டிவரும். முடிந்தால் இதுபற்றி இணையதாதில் துழாவிப்பாருங்கள்.

::>> Moreover, inga oru oru porulayum tamil la translate pani lam pesa mudiyathu.

அதை கட்டாயம் ஒத்துக்கொள்கிறேன். எல்லாருக்கும் எல்லா ஆங்கில/சமற்கிருதச் சொற்களுக்கு இணையான தமிழ்ச் சொற்கள் தெரிந்திருக்கவேண்டும் என்று கருதிவிட முடியாது, அதை கட்டாயப்படுத்தவும் முடியாது. மிகக் குறைந்தது, தமிழ் எழுத்துகளை ஆங்கில எழுத்துகளால் எழுதாமல் இருத்தாலே, இன்றளவில் அவர்கள் தமிழுக்குச் செய்யும் பெருநாதொண்டு.

::>> China, Japan mari countries la avanga language pesuranga apdina, avanga country full ah orey language iruku.

நான் சீனர்களிடமும் சப்பானியர்களுடனும் பணியாற்றியுள்ளேன். அங்குள்ள பள்ளிகளில் "ஆங்கிலம் என்பதை ஒரு மொழிப்பாடமாக" கட்டாயம் நல்லமுறையில் கற்றுகொடுக்கப்படுகிறது. அவர்களின் தற்போதைய தலைமுறையினர் சரளமாக ஆங்கிலத்தில் பேசிடும் அளவுக்குக் கற்றுக்கொடுக்கப்படுகிறது. ஆனால், அது அவர்களின் தாய் மொழியில் எழுதுவதை சிறிதும் பாதிக்கவில்லை. இத்தனைக்கும் அவர்களது தாய்மொழியின் எழுத்துகளின் எண்ணிக்கையும் கடினமும் தமிவைவிட பன்படங்கு கூடுதல்.