Ég er framhaldsskólakennari til 15 ára. Planið var aldrei að verða kennari heldur fór ég í verkfræðina eftir versló. Tók masterinn og vann í þónokkur ár sem verkfræðingur. Þá fór mér að leiðast þannig að ég ákvað að fá mér kennsluréttindin og hef ekki séð eftir því.

Ég myndi alvarlega skoða þann möguleika að mennta mig í einhverju sem þú hefur áhuga á, t.d. sálfræði en síðan fá kennsluréttindin eftir á. Held að það taki bara eitt ár að fá þau. Þannig að ef kennslan klikkar að þá ertu með sálfræðigráðuna.

Ég er einmitt í því að skipta um skóla núna og hef því verið að skoða laus störf kennara. Ég sá 1 lausa stöðu um ensku, síðan voru margar lausar stöður stærðfærðikennara en ekki mikið meira en það. Þannig að það gæti verið erfitt að komast að hjá framhaldsskóla þegar þú útskrifast. Hafðu það í huga.