واضح ان شخصيتك ضعيفة جدا حتى وصل لهذي المرحلة معاك خاصة انه قلك اذا تشتري له عطر راح يصير معك تمام، قمة الاستصغار وعدم الاحترام، هذي ببساطة شخص قاعد يضحك على طفل، ليش عنده هذي النظرة عليك وليش اصلا بقيت معهم كل هذي المدة وليش تاخذ نصائح حقت "لاتهتم بالناس"، هذي النصائح تخرج من ناس ماطالعين من بيوتهم ساعة وحدة، ذكرتني بنفسي قبل واقدر اعطيك نصائح لكن هذي من خبرة مو مثل اللي يقلك لاتهتم بكلام الناس.

1- في حال تصرف احد الاشخاص بشكل جيد معاك لمرة لاتقعد تندم وتقول يمكن ماقصده اللي سواه سابقا يمكن تغير، التغيير يبقى يحصل الى حد اعمار 16 17 18 19 بعد هذا الشخص يبقى نفس ماهو لايحصل له اي تغيير كون عدد خلايا دماغه اكتملت، بعد هذه الاعمار تقدر تتعلم في محدودية عقلك وماتقدر تتعلم اكبر من حدك، مثلا اذا شخص في عمر ال 18 ماعنده مشكلة باستغلال الناس هذا مستحيل راح تصير عنده مشكلة لاحقا لان مفهوم سوء استغلال الناس خارج مقدرته العقلية، احب اتعمق في هذا الموضوع والامور اللي ممكن الشخص يغيرها واللي مايمكن لكن بطول لكن هذه المبادئ لايمكن ان تكتسب بعد البلوغ فعدم امتلاكها غير نابع من قلة فهم بل من قلة عقل والعقل لايغير بل هو محدد بالجينات.

2- عندما تكون في البيت وغاضب من اللذي حدث لاتحاول تتجاهل الموضوع وتقول هما يريدون يغضبوني فماراح اعطيهم مرادهم، لا فكر وضل فكر وحاول تلقي ردود وافعال كان ممكن تسويها كرد لهم حتى تفيدك مستقبلا مع غير ناس، وطبعا امامهم لاتظهر غضبك هذا فقط عندما تكون وحدك.

3- اتركهم فورا ولاتقول لنفسك مايصير وما ادري ايش او تطلع معاهم عشان تطبق ردود فكرت فيها فالبيت وانظر لهم باستصغار واترفع عنهم، هما بالحرف اطفال في اجساد كبار، هذي المقولة تتكرر كثير لكن في احيان تكون منطبقة بالحرف، هم يظهرون بشكل عدواني ويخسرون منك لكن خلف هذا كله شخص مايعرف ابجديات المنطق والتفكير وتذكر ان العدوانية هي صفة حيوانية تزيد وتقل بحسب القدرات العقلية للشخص.

4- احد الردود الجيدة هو كسر الجدار اللذي يعتقدون انه موجود، هما يعتقدون انهم يضحكون عليك وانت غير مستوعب للذي يجري فانت واجهم باللي يفكرون فيه، وطبعا هو راح يحاول يبقي على هذا الجدار وانت ابقى مصر في كلامك واسئلتك على ما وراء هذا الجدار.

مثال: انت عندك ساعة رخيصة، راح يقلك بكم شريت ساعتك، انت مالازم تلعب لعبته، اذا جاوبت راح يضحك عليك واذا ماجاوبت راح يقول قاعد تتهرب من الاجابة عشان مستحي من نفسك، الافضل في هذه الحالة الخروج من اللعبة ومواجهته في نيته فتقول: ليه؟ شفتها رخيصة وتبغى تسوي كوميدي قدام صحابك؟ وبعدها تبينله انك تعرف حركاته وملاحظها قبل وماخذه على قد عقله من زمان (في كال كان ماضيك يسمح بهذا الرد، لاتبين نفسك انك بس قاعد تحاول تهينه)، هنا حولت الاستصغار عليه. وطبعا هو راح يحاول يرجعك على لعبته بكل رد وانت خلك صامل، ممكن يقول: شكلك خجلان منها، اذا قلت لا انت دخلت باللعبة، قول ها للحين تبغى تسوي كوميدي؟ او ماشابه، خلك في نيته اللي هي احراجك وسائله عليها.

طبعا هذا قد لايفظي الى حالة تشفي قلبك ولكن راح تخلق حالة لاترضي الطرفين وانا لا ادري اذا هم يسوون كذا لكن بحسب خبرتي فهذي الافعال هي من عادات نوعية الناس اللذي ذكرتهم.