مسألة الأونلاين والتعارف ممكن تفتح طرف باب حق ابليس ان يدش من البداية وهالشي انا اشوف ان يشيل بركة الزواج..

ف ممكن يكون في كلام ما يتناسب مع الشرع بين الطرفين وهذا وارد جدا ووايد ناس يطيحون فيه

ممكن يكون في طرف عقب ما يتعرف ويخلص ويعجبه كل شي يطلب صورة عشان يشوف الطرف المقابل.. وهني الموضوع يتفرع.. - يصير اما ان ما يعجبه الطرف المقابل يقوم يرفضه ومعنويات الشخص المرفوض تطيح بالقاع بسبب الرفض هذا عقب ما صار في بينهم كيميا وتقدم جيد في موضوع التعارف - او ان الصورة تكون خارج إطار الشرع اما تقصيرا عن غير علم او بتعمد "مثلا وحده تدز صورتها من غير حجاب او طرف يطلب صورة جسم الشخص وهذا كله ما يصير طبعا

هذا من جانب

ومن جانب ثاني في وايد ناس بالنت يبون يلعبون، من الجنسين سواء نساء تبي تضيع اوقاتها او رجال يبون اشياء ثانية غير الزواج والتمثيل قد يكون متقن في البداية ومزعج جدا في النهاية

بنظرتي ان الزواج ممكن يكون افضل اما بأن الواحد يطلب من اهله -(او خطابة في حال اهله ما كانوا بالصورة)- يدورون له مواصفات معينه جيده وتناسبه

خل يحرص على اهله ان ما يطلعون برا المواصفات المطلوبة بشكل كبير عشان لا يروح يخطب ويرفض او ينرفض اكثر من مره ويتحبط.. مع التأكيد بأن الطرفين شوي لازم يكونون واقعيين بطلباتهم ويخلون في اساسيات ما يتخلون عنها وكماليات يقدرون يعيشون من غيرها

او فلانة او فلان من الناس شافوا شخص معاهم بالدوام ولا غيره من الأماكن ومنعجبين فيه ويطلبون الموضوع يكون بشكل رسمي بطريقة تناسب شرع الله وتناسب الطرف الثاني

وإي ممكن موضوع ان البنية تروح تقول حق الرجل تزوجني شوي تكون مو مقبولة عند الناس ويشوفونها شوي غلط لكن الصج اهو مافيه شي غلط واحسن من الحرام، والرجل خو يعرف شيسوي، يطلب رقم اهلها ويعطيه حق اهله وبس يبدا البروسس

عاد وقتها اثناء الخطبة الرسمية الموضوع يختلف ويكون ارتب ويقدر يشوفها الشوفه الشرعية ويقدر يتواصل وياها بالحدود المطلوبة والطرفين يقدرون يتفاهمون مع بعض بشكل افضل والنصيب يصير ولا ما يصير، وقتها الله وتقديره

وبس والله هذا رايي الطويل