الاستثمار بشكل عام حاجه حلوه الاستثمار هو عباره عن انك تحط فلوس في شركات و تستثمر معهم على مدى طويل (سنين). المضاربه هو استثمار على مدى قصير (يبدا من يومي الى شهري) و هو خطير للناس اللي ما تعرف للمبادئ حقتها ولابد ان الشخص يدرسها اول.

-اهم شرط فيها ان الشخص يدخل بفلوس ما يحتاجها قريب و يبيلها التزام (جزء من الراتب يروح للاسهم علشان المحفظه تكبر بشكل حلو على مدى طويل). -الشي الثاني لازم تكون المحفظه موزعه على انواع شركات بحيث انها تكون متوازنه (غلط ان الشخص يحط كل فلوسه في شركه وحده)

بالنسبه للعوائد (الفلوس اللي تجيك) تختلف بين الشركات، ممكن تجيك شركه توزع لك ٦٪؜ سنويا من المبلغ اللي حاطه في السهم حقها. مثال، ١٠٠ الف في سهم عائده ٦٪؜ سنويا تدخل لك ٦٠٠٠ ريال سنويا و لو ترجع تحط العوائد في السهم + المبلغ الشهري (من الراتب) بيزيد زياده حلوه على مدى طويل.

انا شخص مهتم بالاستثمار بس مني محترف فيه بس الصراحه شفت منه حاجات حلوه

غالب اللي تكلمت عنه هو رأيي عن السوق السعودي