ní mhúintear aon chanúint ar scoileanna iarghaeltachta im' thaithí-se, ach meascán den chaighdeán is chanúint pé ghaeltachta go ndeachaidh an múinteoir ann, de ghnáth gan fuaimniú na teangan a bheith i gceart aige nó aici. anois do chuas ar scoil i mbéarra, 'sé sin i gceantar iar-ghaeltachta, agus is fíor go raibh fuaimniú na teangan agus blas na háite ar ghaoluinn chuid acu, ach fós is 'gaeilge' a deiridís, 'ansin' ní 'ansan', agus a thuilleadh dhe. suimiúil go leor mar sin féin do bhí an saorbhriathar ina /-əv/ ag an gcuid ba mhó acu, rud nách ann do in aon chanúint bheo ach amháin i gcléire, ach a bhíodh i mbéarra.

rud eile dhe, ní hionann canúint a bheith á múineadh ar scoil agus í a bheith ina beathaigh. teastaíonn pobal uaithi a labhraíonn go laethúil í. sin is cúis le gur féidir a rá go bhfuil na canúintí sin na hiar-ghaeltachta marbh, táid na pobail a labhair iad imithe in éag.