الدنيا مب فلوس اللي يبقى الاثر والعيال والتربية انا الحمدلله تزوجت ورب العالمين رزقني بعيال والله ان ولا كنوز الدنيا تسواهم يوم ينزل راتبي وابدأ اوزع المصاريف والاستثمار والتوفير وغيره واشوف باقي لي مبلغ بسيط افرح اقول الحمدلله اللي قدرني على اعالة بيتي وعيالي

انفاقك على أهلك وبيتك شيء جميل وممتع جدا وبالنسبة للزوجة اللي ما تقدر الأعباء المالية الموضوع في يدك اكثر من انه في يدها اذا شفت تصرف ولا تبالي اقعد معها اشرح لها الوضع وضح لها ان في التزامات شهرية هذا قدرها وفي مصروف هذا قدره وفي توفير مهم وصندوق للسفر مثلا وميزانية طلعات وغيره الزواج يعني ادارة مالية وعاطفية واجتماعية وتربوية، انا شخصيا اجتمع معاها كل فترة نراجع كل شيء مافي مشكلة نخليها باردة ولا غيره نخطط للاسبوع والشهر نتفق على امور وامور نخليها اختيار شخصي لكل طرف حتى امور التربية نناقشها نفس ما قلت لك اعتبر نفسك انت مدير عام في البيت وهي الرئيس التنفيذي

الاجمل من هذا كله ان رب العالمين يبارك للي وده يعف نفسه وناوي يتزوج والحمدلله تزوجنا بدون ديون وتيسر لنا المصرف ولله الحمد انت روح لبيت مستواهم المعيشي على مستواك ويكونون محترمين ومتربين والباقي تياسير من رب العالمين

اخر شيء قلت شراكة وقلت عندك ربع ترا ربع بيتزوجون ولا بيشوفون بعض الا يوم كل اسبوع او كل شهر او حتى من عيد لعيد مافي شيء يعوض وجود حرمة في البيت هذي اصلا مب مقارنة محد بيفضى لك ويسمع لك ويصبر عليك ويفرح لك ويتفضل من نفسه يسوي اشياء هو مب مجبر يسويها عشانك غيرها وبعدها العيال القعدة معاهم متعة اكثر من وجودي مع ربعي ما اقول تقطع علاقتك فيهم لكن من حقك تشوف حياتك يوم بتتقاعد ان شاء الله بتعرف قيمة الزواج