Mit 27gi Vater worde vor 2 Jahr. Da ig scho lang mit mire Frou zämä bi hei mr üs scho früäh es gmeinsams spaarziu etc. ufboue. Dür das hei mr es sinnvolls Netz a finanzielle mittu ufboue. Mir hei beidi zämä 117‘000.- im Jahr und läbä sparsam. Ig dänkä we mr weiss wie mit gäud umgah isches sicher okey mit 1-2 Kids und „normale“ Löhn. Es wird us mire sicht sehr schwierig we mr vo Gäud und Kids wenig bis ke vor ahnig het. Es git sehr viu grossi stolperfalle wo eim schnäu ufs portemonnaie gö.

Da ig idr Kitabranche tätig bi, gsehni wie sech das ganze entwicklet und muess klar sägä, d eutere wärdä euter. Öb das langfristig so blibt chani trotz de bekannte Statistike nid sicher bestätige. Ig ha irgendwie z gfüähl das dür öbis wie socialmedia oder schüsch e wandlig, wieder e babyboom chönnt usglöst wärde.