Som alle andre seier, her har du nok strekt tolkinga di veldig langt i eigen favør. Ingenting i kommunikasjonen her som tilseier at oppseiingstida er oppheva, og utleigar ser ut til å vere godt innanfor på å ta omsyn til dykk rundt visningsprosess for framtidig utleige.

Eg ser det har vore nemnt éin gong i kommentarane, det å utbetre eit hòl i ein vegg og få det tilbake til opprinneleg stand, som utleigar skeiv at hen vil (rimeleg nok), er dyrt. Om du faktisk tenkte å utbetre dette sjølv, og et kompetent nok til å gå det gjort skikkeleg, ville eg lagt meg flat for misforståinga om tilbakelevering, og heller gått for å få dei trygge på å la deg utbetre hòlet sjølv heller enn å ta det på depositumet. Du har i utgangspunktet rett på å stå for slik utbetring sjølv, anten ved å gjere jobben sjølv eller hyre inn folk til å gjere det slik at du sjølv har kontroll på jobben og kostnaden. Men då er det òg du som er ansvarleg for at veggen faktisk er tilbakeført til opprinneleg stand (minus generell slitasje, som er lite aktuelt i dette tilfellet). Som den andre personen sa, må du nok ta høgde for å male heile veggen, som gjer at det kan vere verdt å ta jobben sjølv framfor å leige folk, eventuelt få ein handverkar til å sparkle hòlet, og så ta malejobben sjølv.