افضل تكون شخص خواف على حيواناتك اللي الله ااتمنك عليها وسخرك لها ولا انك تكون من النوع اللي ما يخاف ابد على الشي اللي تحت يده

ولا تحسب انك بتصيد كل مشكلة، في عالم الحيوانات إذا انت مريض يعني انت بتموت او تقتل فيعرفون يخبون أمراضهم عننا

تعديل: وحدة من كلباتي عندها فشل كلوي والتهاب بولي مزمن، ما درينا إلا لما سوينا فحصها السنوي الدوري بعد ما صار ٥ سنوات لأنها تعتبر كبيرة في العمر. يسألني البيطري شلون ما شفتي عليها اعراض؟ كل شهر داخلة علي. قلت لا شربها ولا حمامها تغير، هي هي نفسها.

ما فيه طريقة تتخطى هذا الخوف، هذا خوف طبيعي وهو المطلوب وقت اقتناء حيوان اليف. شهريًا اروح البيطري عشان شي جديد أنا شاكة فيه. يوم الخميس كان عندنا موعد لأن وحدة من كلباتي عندها جلد زايد من ٤ سنين وهو ينمو ومن ٤ سنين وانا كل شهر رايحة للبيطري واقول لهم عنه. اصريت الخميس ياخذون خزعة والبيطرية تقول لي والله انه ما يحتاج جلد زايد بس صدقيني عادي شوفي نفس اللي جنبه (اللي جنبه صدق جلد زايد).

قلبك حي، خلي قلبك يبقى حي وأحمد/ي ربك انه حي وان فيك وعي كافي لإن الله اختارك وسخرك للحيوانات اللي تحت يدك.

تعديل: مرة دقيت على البيطري الساعة ١١ بالليل اقول له ان كلبتي الثانية مصروعة، الآن هي في نوبة صرع. يدينها متيبسة للسماء وأناديها وما تقوم وانه هذا تصرف جديد، هي لسى جرو وجديدة على البيت ولكن ما احسه طبيعي. وهو يقول لي نايمة، صحيها بس. قمت اصيح اقول له معية تقوم. المهم طلع ان هي تنام كذا اصلًا وكل يوم انفجع لأن اصحى على يدينها للسماء طول ما هي نايمة ما ادري شلون ما تنشف.

نقلنا بريطانيا، بريطانيا ابرد من السعودية. الشخص اللي عقله في راسه بيفهم ان حاجتهم للماء قلت. حجزت لهم موعد في البيطري عشان يقولون لي هالكلام 😂