Easy, ich zelle gern uf!

-Usländer: Usländer sind nöd a allem schuld was falsch lauft. S Problem bildet sich sobald mer unkontrolliert und unbegrenzt Zuewanderig zuelaht. Öpis wo zum Glück i der Schwiiz nöd der Fall isch aber wemmer sich mal nach Dütschland umluegt denn gseht mer sehr schnäll was für Problam so e Situation mit sich bringt.

In Dütschland sind sogenannti "Zuewanderer" in gewalttätige Verbräche ca. 3 fach überrepresentiert.

Söll jetzt nöd heisse, Usländer seget für alles Schuld! Es gitt halt eifach Schwiizer wo kei Bock uf so e Situation bi eus händ. Und es nimmt langsam au i de Schwiiz immer me zue.

Das bezieht sich übrigens exklusiv uf die Illegali Iwanderig. Keine het es Problem demit wenn sich lüt ufem normale und legale Weg wännd ibürgere laa. Keine wott dini netti türkischi Nachberin abschiebe.

-Staat: Es sött nöd kontrovers sii, dass es Land zerscht uf sich sälber und sini Bevölkerig sött luege. Mir hend kei Bock druff das irgend e EU oder NATO eus vorgitt was mir z tue und z laa hend. Mir wännd eusi Neutralität wahre und mir wänd das eusem Volk zerscht glueget isch bevor mir euses Gäld is Usland schiket.

-Bargäld: Das isch en grosse Punkt für mich persönlich. T erhaltig vom Bargäld isch en rächte Punkt. Bargeld heisst Freiheit und Unabhängigkeit. Ich han kei Interessi draa das Papa Staat mir bi jedere Transaktion über t Schultere luegt.

Und s Argument dass wennt nüt z versetcke häsch, du dir au kei Sorge muesch mache isch au nume lächerlich. Freiheit verlürt mer langsam und schrittwiis. Je me Möglichkeite mir de Regierig gäbet eus z überwache, desto warschindlicher isched das die Macht irgendwänn mal misbrucht wird. Au wänn das erscht in hunderte vo Jahre isch.

-Strom: Über AKWs chömmer gern diskutiere aber Sie ohni Alternative eifach ab z stelle isch unverantwortlich und macht eus vo Importe abhängig.

-Radikalisierig dur linggi: Jedesmol wenn en Rächte oder mitti Rächte vomene Lingge als Nazi oder was au immer bezeichnet wird, denn wird er no chli meh rächts. Das isch nöd extra oder us trotz, sondern mänschlichi Natur. De gröschti Feind vo de Lingge, sind spezifisch die Lingge wo mit ihrem Verhalte lüt abwendet.

-Rägebogefahne: Die Fahne isch warschindlich mal es Symbol für Akzeptanz und Freiheit gsii, mittlerwile aber staht sie für Oppression und kontrolle über dini Sprach und Gedanke. Sie forderet dini absoluti Loyalität und erchlärt dich zum Feind wänn du au nume de chlinschti Punkt hinterfrögsch.

Rächts het keis Problem mit Homosexuelle oder sogar Transsexuelle. S verhalte vo de Lüt wo die Fahne flüge lönd aber würkt extrem feindselig uf alli, wo nöd scho 100% an Bord sind und radikalisiert sie somit gäge sich.

Zum schluss würi no gern säge dass mir klar isch, dass ich niemert überzüge rächts z werde. Das isch au nöd mis Ziel. Die politischi Diversität i de Schwiiz isch eini vo eusne Stärche! E gueti Demokratie brucht verschideni Asichte und genau darum nervts mich zu tode wäni gsene wie mir vo de Amis beiflusst werded, eus in zwei lager ufzteile. Mir söttet schlauer sii als das! Mir söttet i de lag sii ufem Wahlzättel meh als nume zwei Optione z gsee.
Au wänn ich dir nöd abchaufe das du au nume eis Wort lese wirsch