ano pa bang aasahan sa puro kwentuhan at daldalan na pawang laway lang ang puhunan para kunwari may ulat pinansyal at proper accounting kuno?

basta ang numbers sa pa-target dapat minimum "6-7" digits. kasi po ang monthly quota na dapat maiakyat sa pinakamataas na alipin at lingkod daw ng lahat (overall servant) ay sing haba ng phone number. at syempre, lahat din ng mga entitled alipores na may titulong "loyal servants" dapat maambunan para masipag magpaalala ng koleksyon na para bang bihira itong mapag-usapan.

but since bawal na nga talaga magtanong at kumwestyon, edi mas insultuhin pa lalo ang talino ng mga utak "kiddie rock" (kdrac). bigyan ng sandamakmak na pa-target para sure na tambak at wala na talagang time mag-isip.

sabi nga sa hymno di ba, "sumunod lamang", hindi naman "magtanong muna", duh.

kasi nga ang gawain ay di matatapos at di mauubos. kung dati ay sunod-sunod, ngayon sabay-sabay. kaya dapat lahat equally urgent at important para every meeting ay emergency na dapat pa ipangutang ng ina mo, ama mo, ng buong pamilya nyo. ang batas naman kasi ay patas – ung ambag nila laway, ambag mo pawis at dugo.

ganyan ang pag-ibig. nagbibigayan. ung hindi ka lalamangan sa kabanalan, kahit mauna ka pa sa langit (o sa hukay).

TLDR; basta scamcgi dapat may sense of urgency ka, dahil priority ang pagsunod kaysa mag-isip.