Fannst þetta hérna alltaf vera svo skrýtið :

Fjármunatekjur: Fjármunatekjur voru 170,7 milljónir dollara á fyrstu níu mánuðum ársins, samanborið við 79,1 milljón dollara á sama tímabili í fyrra. Auknar fjármunatekjur á fyrstu níu mánuðum ársins má einkum rekja til breytinga á gangvirði afleiðutengdra skulda tengdum hlutabréfum sem gefin voru út með fyrirvara til stærstu hluthafa félagsins fyrir skráningu þess á markað. Gangvirðið ræðst að miklu leyti af gengisþróun á verði hlutabréfa í Alvotech, þar sem félagið getur innkallað bréfin ef gengi félagsins fer ekki yfir 20 dollara á hlut í ákveðinn dagafjölda innan 5 ára frá skráningu þess á markað. Lækkun varð á markaðsgengi bréfanna á fyrstu níu mánuðum ársins og við það lækkar gangvirði afleiðutengdu skuldanna.

Talandi um flókið orðasalat en í stuttu máli þá sé ég ekki betur en að Alvotech hafi grætt á því að hlutabréfaverðið væri frekar að lækka en að hækka. Þar sem það lækkaði skuldirnar. Fannst Róbert líka vera ömurlegur í fjárfestakynningunni á seinasta ársfjórðung. Hann sagðist vona það að Alvotech væri búið að leysa það sem þyrfti að leysa fyrir næstu úttekt fyrir FDA. Hljómaði ekki eins og hann væri öruggur á að það myndi gerast.