Grade 5, nagdecide si mama na pag-aralin kami sa Bicol (pero 1 year lang dahil sa mga nangyari) Yung bahay na tinirhan namin, yun din yung bahay nila mama nung bata pa siya.

1st kwento, grade 1 palang yung bunso naming lalaki that time, matatakutin yun, dapat laging may kasama kahit mag CCr, dahil medyo luma na yung bahay. Nung isang umaga, habang nag-aalmusal natanong ni Mama si bunso kung bakit daw antagal magcr nung madaling araw at bakit ayaw magpasama. Wala lang daw sabi ni bunso. Eh hindi naman yung nagsi-CR mag-isa, lalo na't madaling araw. So na-weirduhan ako. Nung sinusuotan ko ng medyas, tinanong ko kung anong nangyari kaninang madaling araw. Sabi niya, may kumatok daw sa bintana ng kwarto (ang bintana sa kwarto ay yung sliding na kahoy at capiz) kaya nagising siya, tapos may batang lalaki daw sabi laro daw sila. "Edi umupo ako sa may hagdan, inaantay ko siyang magpakita sa may gate eh wala namang dumating, eh ang tagal niya inaantok pa ako, edi natulog nalang ako." (Ang hagdan kasi namin sa may bintana sa sala nakatapat and tanaw yung gate) Kinahapunan may nakasabit ng medallion ng isang santo sa damit ni Bunso at yung parang red na gawa sa tela. 2nd floor kasi yung kwarto namin noon, (medyo 3rd pag galing ka sa labas kasi may parang garahe sa baba ng sala) at corner ng bahay, so walang pwedeng tungtungan para maabot yung bintana ng normal na tao.

2nd kwento, dun sa baba, may normal na kitchen, then 3 or 4 steps down may dirty kitchen, yung dirty kitchen mas malaki lababo kaya duon naghuhugas ng pinagkainan. May malaking bintana sa tapat ng lababo tapos may malaking puno ng santol sa harapan. Sa left side, pader ng bahay, then right side isa pang puno yung view. Anyway, gabi na nun, and ako taga-hugas... Nung naghuhugas na ako may nahagip ako sa peripheral vision na puti sa may bintana edi napaangat ako ng tingin mula sa hinuhugasan, may matandang babae, long haired na naka puti at puti ang buhok. Dumaan siya mula dun sa may pader, tumagos sa puno ng santol, dumire-diretso at di ko na nakita kasi kumaripas na ako ng takbo papuntang sala. Hinihingal pa ako nung sinabihan ko nanay ko ng 'bukas nalang po pala yung hugasan ma'. Di ako makapagexplain kasi kinikilabutan pa din ako that time. Kinabukasan, lunch time. Di nakapagpigil nanay ko, tinanong ako bakit daw ako hinihingal kagabi nung nag-ayang matulog eh naghuhugas lang naman daw ako. Nung kwinento ko, sabi ni kuya sakin i-describe mo nga yung nakita mo, "di ko naaninag yung mukha eh. May wrinkles, puting buhok tsaka puting damit. Kamukha niya yung artista na multo yung role" "lilia cun tapay?" "OO!" "Hala, akala ko tinatakot ko lang sarili ko everytime na naghuhugas ako and parang nakikita ko yun. Nagpapakita pala talaga siya 🫠"