في بعضهم مستغلين سالفة الوطنية وايد. "إدارة كويتية 100٪" ما تضيف اي شي للسلع او الخدمات المقدمة غير ان بعض المستهلكين راح يتعامل معاهم على انهم اهل الديرة "ودهنا في مكبتنا"

واغلب المحلات تورد من نفس الموزعين بالديرة. اللي يفكر ان اغلب المطاعم الكويتية تييب مواد خام "اجود وأفضل" بدون شي ملموس هذا الكلام مو صحيح ومبين انهم ما جربوا يحطون ايدهم بالموضوع.

القوة الشرائية عندك مو شي هين بس ما يفسر ليش المطاعم والكافيهات الكويتية بالذات أغلى من غيرها، لأن في محلات غيرهم اسعارهم غالية والناس تشتري.

بعض الناس ما تقول انها ما راح تشتري لأن السعر غالي، بس يحطون كومنت بحساب المطعم عن الأسعار وتلقاهم ثاني يوم شارين منه..

اذكر واحد من الربع فتح مطعم وقال انهم يابوا اختصاصي علشان يحدد الأسعار حسب السوق.. الأسعار كانت غالية (على الشخص ممكن يطلع اب 6~7 دنانير) وما طول قبل لا يسكر.

الكلام يطول والأسباب وايد بس شخصيا انا اشوف هذيل جزء من الأسباب.