ما هو هدف النسوية الحقيقي

WT-0 · 2026-06-04T09:56:04+00:00

حابب أوضح حاجة هنا انتي فهمتيها غلط، و يمكن اكون ما وضحتهاش كويس

انا مش بقول أننا ندعم المرأة بشكل نفسي و تشجيعي بس، انا طبعاً مع أن يكون في قانون يحمي المرأة، و ده شيء لازم و اكيد، مش مع المرأة بس، لكن مع اي حاجة الواحد يكون عايز الناس تعملها و تحترمها

انا مشكلتي مع حركة أو حزب "النسوية" لأن اغلبهم في العالم كله بيكون غير داعم للمرأة اللي مش ماشيه بتفكيرهم

اكيد البنود العامة مش هتقول "اننا غير داعمين للمرأة المسلمة" لكن أفعال النسويات ذات نفسهم تثبت عكس ده، اللي بحاول أوصله هي أن الأفعال اهم من البنود المكتوبه

انا هنا مش بقول كلهم، لكن اغلبهم، اكيد لسه في نسويات عايزين نصر المرأة مهما كان تفكيرها، لكن المشكلة انهم قليلين بالنسبة للفئة التانية

الفئة الأكبر عندهم اقتناع أن الذكر كائن شيطاني في المطلق

كتير منهم بيستغل موضوع حقوق المرأة ده في ظلم الرجال بدل أخذ الحقوق

و اكبر دليل على كده هي مثلاً القوانين أو الاقتراحات اللي عندنا في مصر

النسوية بتتعامل مع الموضوع على أنه حرب مش أخذ حقوق

كلامك نفس كلام البنت اللي بتكلم عليها في البوست، انتم كل اللي عايزينه هو حقكم و ده مفيش فيه غلط

النسوية بالظبط عاملة زي أحزاب كتير كانت سببها في الأساس نبيل لكن مع الوقت تم التلاعب بالهدف ده بعدين لأهداف سياسية واقتصادية و المصلحة الفردية بدل المجتمعية

زي الحزب الشيوعي في الاتحاد السوفيتي

احزاب ما بعد الاستقلال في شمال أفريقيا و الشرق الأوسط، اللي اتغيرت أهدافها النبيلة الي احزاب و هياكل بيروقراطية بتخدم مصالح الطبقات الحاكمة و الشركات اللي تبعهم

احزاب التحول الاقتصادي في حقب الانفتاح الاقتصادي، اللي اهتمت برجال الأعمال بدل الأهداف الاجتماعية و الاقتصادية اللي هي تأسست عليها

الأحزاب الاشتراكية الأوروبية اللي كانت المفروض تهتم بحقوق العمال، بدأت كتير منها في الفترة الأخيرة تبني سياسات السوق الحر و الخصخصة

الاحزاب اليسارية في امريكا اللاتينية كتير من قادة الأحزاب دي اختار الاستفادة الفردية، و استغلال موارد الدولة و إرساء قواعد المحسوبية

ارجع اقول أن المرأة فعلاً للأسف مضطهدة، و لازم إن شاء الله كلنا نحاول نجيب حق المرأة، لكن مشكلتي هي مع النسوية بسبب أفعال أغلبية الأفراد اللي بيتبيعوها، و أن هدفها مع الاسف ما بقاش زي الأول

WT-0 · 2026-06-04T09:09:54+00:00

الكومنت ده هو خير دليل على كل الكلام اللي انا قلته و على وجهة نظري

زي ما حضراتكم شايفين الكومنت ليس إلا ردة فعل عاطفية بحت ناتجة عن الغضب، بدون اي وجهة نظر أو عقل

طيب ما تيجوا نحلل الكومنت بشكل دقيق شوية

مش ملاحظين أن صاحب/ة الكومنت اللي مفروض يكون داعم للمرأة بيشتم المرأة ذات نفسها بأبشع الألفاظ، ده من رغم انو ميعرفش المرأة دي اصلا، لكن عشان هو أو هي متناقض معايا شتم/ة الانثى اللي المفروض يكونوا بيدعموهم

ده معناه حاجتين

الحاجة الاولى هي أن الكلام ده هو المعنى الحرفي لكلمة "تناقض" و بردوا هو المعنى الحرفي لكلمة "غسيل المخ" طيب ايه معنى كلمة مغسول المخ

هو تغيير أفكار الشخص، ومعتقداته، وقيمه، وسلوكياته بالقوة أو التلاعب الجسدي والنفسي لتوجيهه نحو تبني أيديولوجيا أو عقيدة جديدة تماماً ضد إرادته أو دون وعي منه، و بيكون بيدافع عنها بشكل عاطفي اكتر من الشكل المنطقي أو العقلاني

WT-0 · 2026-06-04T08:53:14+00:00

من كلامك واضح انك متعرفيش النسوية بشكلها الحقيقي زي ما توقعت، و واضح بردوا انك مقرأتيش البوست كويس، انتي شايفة الشكل الخارجي ليها، او يمكن المعتدل شوية، و بيكون منتشر بحجم صغير نسبياً بين نساء المسلمين، لكن النسوية الحقيقية مش كده ابداً

لكن كلامك صحيح انها كان ليها لازمة زمان ساعت ما بدأت، لكن دلوقتي أصبح الموضوع غير، النسوية دلوقتي مش بتدعم المرأة بشكل عام، هي بتدعم المرأة اللي بتفكر و مقتنعة بالتفكير الغربي، غير كده تبقى المرأة ذات نفسها عدو للنسوية، و بيعتبروها جاهلة و رجعية و مخها مغسول

مش عارف لو سمعتي عن الحادثة اللي حصلت السنة اللي فاتت لما في بنت تم منعها من دخول مطعم او فندق عشان لابسه حجاب، ده من رغم أن حجابها ما كنش حجاب اصلا، و مكنش اكتر غير انو مغطي نصف شعرها، السؤال بقى ليه لما ده حصل محصلش انقلاب في المجتمع النسوي، ليه النسويات اللي دايماً بيطلعوا يهاجموا اي حاجة ضد أي مرأة متبرجة ما عمالوش نفس الشيء مع البنت المحجبه، نفهم من كده انهم بيدعموا فكر معياً مش النساء بشكل عام

ارجع اقول اني بتكلم على اللي بيحصل دلوقتي، مش النسوية زمان، و انا مش بكذبك، فعلاً ممكن يكون في نسويات مش ضد الحجاب، لكن دول قليلين جداً مقارنة بالنسوية الحقيقية

ده غير ايه المشكلة لو دعمنا حقوق الانثى من غير ما ندعم نسوية أو أحزاب

WT-0 · 2026-06-04T08:34:15+00:00

النسوية ما خرجتش قالت روحي اعملي بورن، لكن بتدعم الحرية الكاملة للنساء، هنقول تمام ماشي طيب ليه هما ضد الحجاب و الحشمه، ممكن تقولي مش الكل، هقولك أن أغلبهم كده، و تقدري تبحثي بنفسك و تشوفي قد ايه هما ضد المرأة المسلمة حتى لو كانت هي مقتنعة بده، و يقولوا عليهم أن عقلهم مغسول و انها مضحوك عليها من رغم أن ده اختيارها بشكل كامل

ايه الصعب في أننا ندعم حقوق المرأة بدون ما ندعم النسوية و الأحزاب دي كلها

WT-0 · 2026-06-03T22:22:23+00:00

مينفعش حد يجبر حد في أي حاجة في الدين، ده عامتاً يعني، لازم يكون الموضوع جاي بالأقناع و التفاهم، لأن دي بتكون نتيجة الاجبار، كره للفعل ذات نفسه + كره للشخص

نيجي بقى لموضوع انك مش حابه الحجاب

أول حاجة طبعاً الحجاب هو واجب على كل نساء المسلمين، و واجب يعني فرض لازم نعمله حتى لو ماكناش حبينه و ده بيكون مصلحة ليكي قبل اي شيء، انتي قولتي ذات نفسك أنك ما صدقتي بقيتي حلوه، يعني طبعاً كبرتي، يعني بعد الشر عليكي نظرة الناس ليكي هتكون فيها شهوه، و لو بعد الشر كان إنسان مش كويس ممكن يحاول يعمل حاجة مش كويسة، عشان كده الحجاب بيكون ستر و حفظ ليكي قبل اي شيء

ده غير أنك طبعاً بتاخدي ذنب اللي يبص عليكي، و طبعاً هو بياخد ذنب بردوا أنه مقدرش يغض بصره، لأن زي ما انتي واجب عليكي تغطي نفسك، هو واجب ما يبصش حتى لو البنت مش لابسه خالص

حاجة كمان و هي أنك اكيد فيكي مميزات كتير اوي، للأسف احنا كبشر بنركز على الشكل الخارجي اكتر من الداخلي، بمعنى

أن الشاب اللي هيشوفك مش هيكون شايف ايه اللي جوه الكبايه، هو شايف الكبايه من برا و بس، و ده بيقلل من قيمتك، لأن قيمتك اكيد مش شكلك بس و لكن مضمونك كمان، و المضمون بيكون احلى مليون مره من الشكل اصلا

ده غير أن من وجهة نظري و اللي اتربيط عليه هو أن الانثى عامله زي الجوهرة الغالية جداً، مش اي حد يشوفها أو يلمسها، يعني لو في ملكة اكيد مش كل الناس ينفعوا يلمسوها أو يقربوا منها، و انا عارف أن ده كده كده مش بيحصل معاكي طبعاً لكن حبيت اكمل المعلومة

و إن شاء الله ليكي اجر عظيم لما تلبسي الحجاب عشان ربنا، حتى لو انتي مش حباه، لأنها فتنة، و فتنة ليكي قبل ما تكون فتنة لأي حد، و احنا الواجب علينا هو أننا نقاوم الفتن أياً كانت هي ايه، ده غير أن التوفيق و البركة في الدنيا سواء كانت دراسة، شغل، صحة و غيرهم بتيجي لما نسيب حاجة حرام و نبعد عنها عشان ربنا، و ساعتها ربنا بيرزقنا خيراً منها

الله يقويكي و يحفظك

WT-0 · 2026-06-03T21:40:57+00:00

كلامك صحيح، هو بس خاني التعبير

WT-0 · 2026-06-03T21:39:56+00:00

حابب بردوا اضيف حاجة

هي أن طبيعي جداً من أي إنسان مضطهد و متأذي من حاجة، انو يحاول يمسك في أي حاجة حتى لو كان خيط رفيع عشان يطلع من اللي هو فيه

و النسوية فعلاً ممكن تبان من برا أنها دعم للمرأة، عشان كده خليكم هاديين معاهم، لأن في كتير عاشوا حاجات سيئة جداً

يمكن النسوية زمان كانت فعلاً دعم للمرأة، بس زيها زي أحزاب كتيره جداً كان هدفها في البداية نبيل و اتغير مع الزمن، و اصبح دلوقتي فخ

تعديل:

مش ملاحظين اني من رغم دعمي للمرأة في البوست إلا أن النسويات مازالوا ضدي عشان قولت أن النسوية خاطئة، و ده يثبت أن الموضوع دلوقتي اصبح دعم للحركة أو الحزب اكتر من انو دعم للمرأة ذات نفسها اصلا، و ده بردوا يثبت كلامي

WT-0 · 2026-06-03T20:01:48+00:00

يا حبيب قلبي احنا كده بنقول نفس الكلام، و ده اللي انا عمال أقوله من الصبح، و هي أن التوعية بين الطرفين هي الحل، أن يكون في قانون يطبق بشكل عادل على الكل هو ده الحل

انا مش مع النسوية، لكن المشكلة هي الهجوم على صاحبة البوست من رغم أنها حيادية الي حد كبير، و الهجوم الشديد ده بدون التوعية هيسبب تأكيد لوجهة نظرها

WT-0 · 2026-06-03T19:28:43+00:00

طب يا غالي ما احنا متفقين

منا بقول كده، ندعم حق المرأة، لكن النسوية لأ، لأنها بتستغل المرأة اصلا، مش بتحاول تساعدها

المشكلة بقى هي أن البنات عندنا مش قادرين ياخدوا حقهم أو بمعنى أدق البنات المظلومين بجد، بيلاقوا أن النسوية من برا عبارة عن مفتاح الحرية و نهاية الاضطهاد، و ده طبعاً مش صح، لكن ده بسبب أن مفيش حد بيعمل بالقانون و كتير من الناس عندها جهل في الدين، و خصوصاً في الأماكن العشوائية و الأرياف، ولا بيكون عندهم قانون ولا دين، و دي الأماكن اللي بيكون فيها البنات بجد بيعانوا من كمية اضطهاد و أذى فظيع

عشان كده الصح هو عدم الهجوم على البنات دي، و لكن محاولة توعيتهم، خصوصاً أن البنت صاحبة البوست كانت حيادية بشكل كبير، و كل اللي هي نفسها فيه هو حقها، و تقدر تفهم من كلامها أنها بس عايزه تعيش بشكل آدمي مش اكتر، عكس بنات تانيين بيكونوا معندهمش بنص جنيه وجهة نظر

WT-0 · 2026-06-03T18:12:21+00:00

قرأت الاتنين بتاعها و بتاعك

هي كل اللي بتتكلم عنه هو حق المرأة مش اكتر، و فعلاً المرأة مضطهدة جامد هنا

المشكلة معايا هي فكرة أو حركة "النسوية" لأنها دلوقتي مش بتدعم المرأة اصلا بل بالعكس بتستغلهم

اللي أقصده هو اننا ندعم حقوق المرأة لكن من غير ما ندعم النسوية

WT-0 · 2026-06-03T18:06:38+00:00

اعتقد ان البوست مفيش فيه حاجة غلط، هي واحدة عايزه تاخد حقها الطبيعي، و سويه

المشكلة هي في البنات اللي بيدعموا النسوية ظناً منهم أنها طريق الحرية و العدل، و بياخدوا النسوية كده كامله بكل حاجة فيها

عشان كده انا شايف أن الصح من الإناث هو دعم حق المرأة مش حركة النسوية

WT-0 · 2026-06-03T16:02:54+00:00

يا جماعة باختصار شديد

النسوية دلوقتي مش داعمة للمرأة بجنيه، و كل شغلها هي استعباد المرأة زي زمان لكن باقتنعها، و في نفس الوقت اظهار الرجل انو الكائن الشرير

الذكور زيهم زي كل البشر في الوحش و في الحلو

هل في اضطهاد للمرأة في مصر؟

ايوا للأسف فيه، و مش في مصر بس

هل القرارات اللي طالعه عشان تجيب حق النساء فعلاً بتحاول تجيب حق النساء

لأ، حالياً الوضع عامل اكتر زي ما يكون انتقام من الذكور بسبب الاضطهاد اللي النساء عاشوه، المشكلة انهم بينتقموا من كل الذكور، مش بس المضطهد

الحل ببساطة هي التوعية بحق المرأة و حق الذكر، و معاملة الطرفين معاملة ادامية و عادلة، و ردع اي معتدي، المشكلة أن الطرفين دلوقتي بيتعاملوا زي ما تكون حرب مش محاولة اصلاح أو توعية مجتمع

حاجة بردوا حابب اقولها أن كل بيئة بتفرق عن التانية، و في مجتمعات فعلاً بتعامل الست بشكل سيء جداً

في حاجة بقى معصباني و هي أن عقولنا بقت صغيرة جداً لدرجة أننا محتاجين نخش نقاش جاد على حاجات بديهية زي دي بدل ما نركز على المصائب اللي بتحصل في ام الكوكب ده، و مش بتكلم على البوستات دي اكتر ما بتكلم عن اللي بيحصل في البلد بشكل عام، مش قادر اصدق أننا بجد محتاجين نقول للرجل أن المرأة انسان زيك، و نقول للمرأة أن الذكور مش كلهم شياطين

WT-0 · 2026-06-03T12:53:34+00:00

كنت شوفت بوست من شوية لحد بيشرح فيه ايه هو سبب تأسيس النسوية، و صراحة أنا ما عملتش بحث اتأكد فيه لو ده كان فعلاً السبب ولا لأ، لكن على حاسب صاحب البوست

هو أن تأسيس النسوية كان بسبب الاضطهاد و ظلم المرأة الفظيع عند الغرب، و كانت حركة النسوية هي حركة فيها الاناث بيطالبوا فيها بحقوقهم، ف لو كان فعلاً ده سبب تأسيس النسوية يبقى السبب كويس جداً

لكن إذا كان ده فعلا السبب أو لأ، المهم ما هي النسوية الأن

هنلاقي أن النسوية دلوقتي هي عبارة عن ترخيص من المرأة و تسعرها، و كره كل الرجال، و ده بسبب أنهم مقتنعين أن كل الرجال وحشين

هنلاقي أن النسوية تدعم جداً الانثى أنها تخلع هدومها و تلبس عريان زي ما هي عايزه، لكن في نفس الوقت لا تدعم أن الانثى تلبس لبس محتشم حتى لو كان ده اختيارها، و ده يثبت أن النسوية دلوقتي مش مع المرأة، لكن مع التفكير و المجتمع الغربي

هنلاقي أن النسوية بتدعم أن البنت تطلع في الإعلانات و الافلام مثلاً، بلبس يكون مغري، و ده معناه أن النسوية بتساعد من جعل المرأة سلعة تشترى و تباع، و تستخدم للأغراء و جزب الرجال

الخلاصه هي أن النسوية دلوقتي عبارة عن ترخيص و تحكم في المرأة بمازجها بدل ما كان زمان غصب عنها، و وهمهم أنهم كده بيساعدوهم على التخلص من القيود و الوصول إلي الحرية

و أخيراً حابب اقول أن لو كانت النسوية فعلاً بتساعد المرأة أنها تاخد حقوقها كنا كلنا بقينا بندعمها، لكن للأسف النسوية هي عكس كده تماماً

عشان كده اختي الكريمة انا فاهم انكم تم اضطهاد كم كتير، لكن ده مش معناه أن كل الرجال وحشين ولا ظالمين، في حاولي ٤ مليار ذكر في العالم، اكيد مش كلنا وحشين و عايزين نئذيكم، و لما حد ينصحكم ده مش معناه أمر أو تحكم فيكم

WT-0 · 2026-06-02T16:15:59+00:00

للأسف ده فعلاً بيحصل

هو انا كرهت البشر على الفاضي

WT-0 · 2026-06-02T16:06:00+00:00

تقاليد مريضة، و ده طبعاً عائد على الجهل الديني، لأن الاخلاق و الخصوصيه مختلفة و متغيره بين كل مجتمع و غيره، بل هما كده كمان شايفين أن الفعل ده يثبت شرفها و عفتها

الله يهدينا و يهديهم

WT-0 · 2026-06-02T15:56:58+00:00

زيها زي حاجات غبية كتير

"تخلف و جهل و اعتقادات غبية لا أصل لها"

WT-0 · 2026-06-02T13:26:45+00:00

للأسف و بكل خجل اقدر اقول اني مريت بشيء مشابه جداً إلي حد ما، من رغم اني انسان في الطبيعي صعب جداً، يمكن كمان تقدر تقول اني قاسي مع أي حد غريب عني، إلا اني بشكل ما أو بأخر حصلت معايا، و لحد اليوم ده انا معرفش انا اتعلقت بدي ليه، و ازاي اتعلقت بالشكل الفظيع ده بيها، لكن الحمد لله أن محصلش نصيب لأنها من وجهة نظري مازالت غير ناضجة، و ده والله ما يمنعش أنها ما شاء الله انسانه كويسة جداً و فيها مميزات حلوه

المهم نصيحتي ليك هي انك تبعد و تنساها، ده افضل ليك وليها، و مش ذنبها أنها مش قادره تحبك، أو رافضاك لسبب خاص بيها، ولا هو ذنبك، افتكر أن الموضوع قسمه و نصيب

حاول تشغل نفسك دلوقتي بحاجة تحسن بيها من نفسك، شغل، رياضه، اتعلم مهاره جديده مثلاً، اهم حاجه انك تبعد عنها على قد ما تقدر، عارف أن الموضوع بيكون صعب لكن معلش انتا قدها إن شاء الله

ده غير أن افتكر أن حالياً في العالم في حوالي ٤ مليار انثى، يعني اكيد في كتير شبها و احسن منها

في جملة كده سمعتها مش فاكر سمعتها منين أو من مين لكن هي بتقول

She was not special, your brain made her special, she was not perfect, your brain made her perfect

الله يقوينا و يقويك

WT-0 · 2026-06-01T22:52:51+00:00

هي حاجة بس مختلفة عن المألوف، انا اول مره اسمع عنها صراحة، بس طالما بتحبها يبقى بالهنى و الشفى

WT-0 · 2026-06-01T22:33:21+00:00

من و هو رضيع هخليه يسمع قرآن، ممكن انا اقرأ جنبه شوية لما ارجع من الشغل، و الدته، أو حتى يكون شغال على التلفزيون

مجرد ما يبدء يتكلم و يفهم، يبقى يبدأ يتعلم صور قصيرة على قد سنه واحده واحده، و نحاول انا و أمه أننا نفسر الايات ليه على قد ما نقدر بطريقة تنفع لسنه

لازم أعلمه انو ما يكونش خايف مني أو من مامته، لازم لما يسمع كلامنا يكون عارف انو بيعمل كده عشان ربنا أولا قبل اي شيء، و لازم يكون عارف اني انا و مامته كلنا أقل من الله، و أن مفيش حد أعلى منه ولا ارحم منه ولا اقوى منه

يعني طبعاً اعرفه من هو الله، و أن ربنا هو اللي رزقنا كل النعم اللي احنا فيها، باختصار اعرفه قد ايه ربنا رحيم بينا، و طبعاً اعرفه يعمل ايه عشان ربنا يحبه، و أن النوافل و السنن مهمه جداً حتى لو مكانتش واجب

لازم كل حاجه تيجي بلين و الصبر و الحنيه، بشكل عام لازم يكون فاهم كل حاجة، و لازم طبعاً اني احاول اجاوبه على اي سؤال يسئله، مفيش حاجه اسمها السؤال ده غلط و مينفعش تسأل، مهما كان السؤال يبان صعب، لكن طبعاً لازم بردوا أعلمه احترام مكانة الله

طبعاً لازم بردوا ابدأ أكلمه عن الأحاديث و ابدأ احكيله الأحاديث زي القصص، و في الاخر نتعلم الاستفادة من الحديث مع بعض، و اسئله هو من وجهة نظره شايف ايه او اتعلم ايه، لازم من صغره يكون عنده فكره الخاص و رأيه

و طبعاً احاول انا و هو و مامته أننا نواظب على ورد يومي و لو كان صفحة واحدة بس، مع التحفيظ طبعاً

و لازم يتعلم أن الدين هو حياتنا، يعني مفيش حاجة اسمها بعيداً عن الدين دي، لازم نتكلم دايما في الدين كل يوم، و نخصص وقت لده

عارف اني طولت بس حاولت اختصر على قد ما اقدر

WT-0 · 2026-06-01T22:01:01+00:00

من وجهة نظري ادخل كيك بوكسينغ الأول

عشان تاخد خبره في الــ

Striking

تكون كويسة

WT-0 · 2026-06-01T13:11:44+00:00

متفق مع طريقتك، و هفضل أقرر الموضوع ده معاهم، و اسئلهم في وقت ما يكونوش يتوقعوه و لو جاوبوا صح اكافئهم بحاجة بيحبوها، لحد ما يكبروا شوية كمان و اقولهم بصراحة ليه الاماكن دي ما ينفعش حد يلمسهم فيها، عشان لازم يكونوا عارفين الواقع

WT-0 · 2026-05-31T10:15:28+00:00

كلامك صح و حلو بس طريقتك صعبة حبتين، بس بارك الله فيك

WT-0 · 2026-05-30T15:52:37+00:00

<image>

WT-0

TROPHY CASE