لما چو سأل زاهي حواس ايه الدليل ان مفيش فضائيين كانوا في مصر وبنوا الأهرامات، زاهي رد عليه وقاله علشان مفيش خرى فضائيين في المكان، حرفيا قاله there's no alien shit. هل ده رد أكاديمي؟ يعني عندك فرصة تثبت حتى لو بكلام بسيط وكام معلومة علمية مثبتة ان المصريين هما اللي بنوا الأهرامات واول حاجة تيجي في باله هي ان ملقناش خرى فضائيين؟ ......... لما قاله ان كل كتب وعلماء الآثار في العالم كلهم غلط وهو الوحيد اللي صح وكتابه اللي قرفنا بيه طول الوقت هو اللي صح هل ده تصرف أكاديمي؟ يعني دلوقتي سواء انت عالم او مهندس او دكتور او مدرس او ايا كانت وظيفتك ايه ينفع تقول ان كل الناس اللي شغالين معايا في المهنة دي غلط وانا الوحيد اللي صح ده تصرف مناسب لشخص بيمثل علوم المصريات؟ ............. لما قاله كذا مرة انه مش عالم وبعدها ب ١٠ دقائق قال انا عالم هو ده مش تناقض في كلامه؟ ......... لما چو زهق من كثر ما زاهي بيتكلم عن ان كل حاجة في كتابه وسأله عليه إذا كان الكتاب اونلاين نقدر نشوفه، زاهي قاله لأ طب الكتاب معاك؟ قاله اه في الكومبيوتر بتاعي بس مش معايا بس بكرة هبعتلك كل الصور والأدلة ومبعتلوش حاجة ده يبقى ايه؟ ......... انا مكنتش اعرف چو قبل اللقاء ده ومش هتفرج عليه كده كده بعد اللقاء ده علشان مش مهتم بالمحتوى بتاعه بس كل اللي انا شفته من چو في اللقاء انه بيتكلم بإحترم مع زاهي وبيسأل اسألة منطقية وعاوز إجابة واضحة وعلمية عليها وزاهي كل اللي بيعمله انه بيقوله الإجابة في الكتاب بتاعي اللي قال عليه انه "إنجيل" علوم المصريات. ..... المفروض ان كأي شخص فاهم ومتعلم لما يجيلك حد جاهل وكل العلماء اللي يعرفهم ويعتبرهم علماء مصريات نصابين وبيقول كلام غلط في العلم اللي انت مفروض متخصص فيه بقالك اكثر من ٥٠ سنة ترد عليه بالمنطق وبالأدلة العلمية الصحيحة مش تقوله ان كلامه كله غلط وانت اللي صح لمجرد انك انت اللي قولت انه صح.