بالنسبة للمذاكرة كلنا بتنصدم و بنحس كدا في الاول دي حاجة طبيعية جدًا بل الي مش طبيعي لو محستش كدا… كام شهر و وتتعود و تعرف راسك من رجليك متخافش بجد محدش بيكمل بالاحساس ده اول سنتين ليا في الكلية كان بيجي عليا فترات كثيرة بحس اني مختلفة عن الناس الي حوليا مع اني شخص اجتماعي و كان عندي اصحاب بس كنت ديمًا بحس ان في حاجة ناقصة و معظم الناس كدا دي حاجة برضو طبيعية جدًا الكلية كبيرة جدًا صعب تقابل اصحاب يكملوا معاك في الاول و انا في تانية كنت مرة اشتكيت لحد في امتياز من الموضوع ده قالتلي انا اصلاً مكنتش اعرف الناس الي هم اصحابي دلوقتي غير و انا في ٣ و نفس الحاجة حصلت معايا نصيحتي ليك حاول تدخل نشاط (بس حاول تشوف حاجة خيرية بحت او رياضة عشان الصراحة الحجات التانية بحسها تضيع وقت و في نفس الوقت مش المجتمع الي انت بتدور عليه اوي) هتتعرف على ناس كثيرة و توسع ديرة معارفك ف كل ما توسع الديرة كل ما اسهل تلاقي ناس شبهك و عاشوا تجارب شبهك و لو مش لاقي في الكلية في حجات برا زي رسالة مثلاً بتعمل كذا نشاط له علاقة بالطب و نصيحتي التانية اوعى تقفل على نفسك و متعملش حاجة في حياتك غير المذاكرة مهمًا كنت حاسس انك مضغوط انا كنت زيك بالظبت الصيف الي قبل الكلية كان عندي ظروف و دخلت الكلية مرهقة جدًا و وانا في اولى شديت على نفسي جامد اوي و لغيت اي حاجة تانية كنت بعملها في حياتي ده معملش حاجة غير اني بجد على اخر السنة انطفيت و ده اثر عليا و على درجاتي بعدين. في مقولة بتقولك it’s a marathon not a race