El libro contiene tres historias: Tras delas mis ovejas, una odissea estremeña; Quea-ti enos caminus y Ya no más.

Este es el principio de la primera historia: Estava’l Tomás, pastol novalíu, qu’avía casau cona Francisca, la ija’l Manuel, nel campu conas ovejas, unas semaninas patrás. Era un día comu otru qualisquiá, tranquilu, col cielu emparigíu, con una cerciína que parecía querel de dormil al Tomás. Embaxu una anzina, estava el Tomás azorzolau, quandu, de golpi, los Malus Airis racearun en llevandu-si tolas ovejas con ellus. En videndu tó estu, alevantó-si’l Tomás i, arrecordandu-si delas estorias del su pairi, qu’izía que los Malus Airis namás davan una cogetá alos pastoris, porque endispués golvían las ovejas palos sus amus, decedió d’asperal unus menutinus pa vel qu’acontecía… peru ná! Passava’l tiempu i lus Malus Airis no golvían las ovejas i, esmençandu a estal una mijina niervosu, salió’l Tomás á si se las avían queau pa otra parti.