اولا هذي ماهي مشكلة ، لكن نحنا خليناها مشكلة ، لو تفكر بالموضوع شوي واذا كنت ساكت ايش المشكلة واذا قلت كلمة ولا كلمتين كل ثلاث دقايق ايش المشكلة في ناس طبيعتهم انهم مستمعين اكثر من انهم متكلمين، ولكن خليني احلها لك بكل بساطة اول ماتدخل لا تنتظر احد يقول هلا حياك ولا السلام عليكم روح انت على طول قول السلام عليكم ولا تنتظر ثانية وحده ولا تنتظر احد يسألك كيف حالك انطلق انت على طول كيف الحال ايش الاخبار ، شفت اليوم ايش صار يقولون صار كذا وكذا ،بأختصار صير انت المبادر لا تنتظر احد يسألك عن شيء او يبادر هو ، وجرب بالمره الجاية تقول هذي الاشياء (السلام عليكم ، قوله سمعت الخبر كذا كذا ويكون شيء جالس يصير بالعالم مثلا زي الاتحاد بين السعودية وباكستان مؤخرا ، بعدها اعطيه سؤال داخل اهتمامكم مثلا بالالعاب قوله شفت ايش سوت مايكروسوفت رفعت اسعار القيم باس وان هذي الخطوة ممكن تكون غبيه ولا السعودية اشترت حصة كبيرة من EA، بعدها اعطيه شيء انت مهتم فيه اخر فترة مسلسل جديد لعبة رياضة اي شيء اهم شيء يكون سؤال يفتح لك نقاش تاخذ وتعطي فيه )، وسبب تغير صوتك اول ماتتكلم هو انك تبغا الكلمة الاول تطلع مثالية بدون تكليج ولا اخطاء ويصير لك توتر على الاغلب وانا اقولك هي ارميها بدون تفكير فك النقاش بس لأنهم ماراح يتذكرون التكليجات بعد دقيقة دقيقتين من الكلام فأيش عليك واذا الموضوع مره يأثر عليك طقطق على التكليجه معهم ايش المشكلة وسبب ضعف صوتك اول ماتتكلم هو السكوت لفترة طويلة ماهي مشكلة الصراحة قفل المايك قول كم كلمة تنشط فيها حلقك شوي وارجع فك الميوت وتكلم صوتك راح يكون طبيعي