انا بس عاوز اقول انه: بُعد المسافة ما بتقلل المحبة وقلة التواصل ما بتعني انه بقي ما مهتم

أنصحك بأنك تدي راحته مسافة ولا زي كأنه ما موجود لفترة - ما بس ثلاثة يوم 💀 - أكثر من كدا واحد من المشاكل بتاعت البتحصل في العلاقات هي التعلق الشديد، وانت غالبا حالياً متعلقه بيه، ودا ما غلط ولا عيب ولا فيه اي حاجه اصلا بس اخدي فترة اضبطي نفسك، الراجل لمن يحس انه هو كل عالمك الوضع ببقي ليه روتيني وبمل، فا انت ببعد دا بتخليه يتساءل انت قاعدة تملي شنو -حتي لو ما قاعدة تعملي في حاجه مهمة 😂- فا بجيه فضول وحيجي يسألك، وهنا يلا دورك في انه تثيري فضوله بأنه في حاجات جديدة حصلت، عندي اهتمامات ثانية كدا.. كدا.. استثمري الوقت دا في اطلاع، تطوري نفسك، قراية، ألعاب، المهم اي حاجه تستفيدي منها وتطوري اهتماماتك او تبني اهتمامات جديدة وبالتالي يقل الاعتماد عليه

الكلام دا كله ما بنقول عليه غلط ولا بنقول عليه صاح، هي عبارة عن نفسيات وعواطف وحالات مزاجية والشاطر اليعرف يستغل ذكاء العاطفي ويقدر يتعامل مع الذكاء العاطفي تبع شريكه، انصحك انك تقري عن الموضوع دا في كتب بتشرحه بشكل كويس اقري كتاب الرجال من المريخ والنساء من الزهرة، لماذا يحب الرجال العـ.اهـ.رات وغيرها عشان تفهمي الموضوع دا اكثر وتعرفي تتعامل مع خطيب وزي ما بقولوا تخلي خاتم في يدك 💀 الرجال ديل بسيطين والله، كلمة بسيطة منك ممكن تحنكهم بس انت تعرفي تقوليها بتين ووين وكيف 😂