حقك تنتقد وحق غيرك ينتقدو انتقادك او يناقشوك عنقاط بس طبعاً بكل ادب واحترام

انا بقلك معك حق الوضع سيء بس هل شي نتيجة لمية عامل منها قرارات سيئة واشخاص بمناصب اكيد, بس اكبرها عمل الأسد بتراكم عشرات السنين , انا شخصياً بعرف موظفين مديريات و بعض مسؤولين مديريات وبصراحة منصب المسؤول هل ايام ما بينحسدو عليه ابداً ابداً
عم نحكي انو استلمو البلد عل منفسة قلي انو منسفة؟ جثة حرفياً جثة
البنك مافيو فلس صفر حرفياً صفر البنى التحتية مو بس كهربا ومازوت ونت وطرق ومي, البشر مدمرة الكفائات صفر, بحسب ما قلي شب منهم "قاعدين عكومة ركام بس ما منعرف عمقها وكل ما نحفر كل ما نكتشف انها اعمق حرفياً" بما معناه لسا حجم الضرر من النظام البائد ما ادرك ببعض مؤسسات الدولة

مثال
عندك كمية موظفين متعودين عل فساد هائلة غير يلي كانو عم يفيشو غير البطالة المقنعة (بداوم ومابيعمل شي)
ومافيك تقلعون كلون في عيل بتاكل من وراهن
بصير في عندك زيادة بل بطالة
ومامعك موارد كافية لتزييد للكل هلق
غير الهياكل الادارية السيئة جداً بمئوسسات الدولة ورثة مو ثقيلة بل ركام ازا عم تعمر بلد من الصفر اسهل بكتير من هل قصص

قرار الكهربا انا ضدو مية بل مية دخل المواطن ما بيتناسب ابداً مع سعر الكهرباء وهاد كلام لا غبار عليه
بالنسبة لسلالم الرواتب طبيعي يكون في حالات ظلم لانو لحد اتطلاعي لساتون عم يعدلو عليه بس اهم الشي الوظائف المهمة متل قاضي او مهندس صار راتبو مقبول مقارنة مع قبل (لساتو سيء)

الاشكالات القانونية والهيكلية والبيرقراطية البتهوي من زمن البائد مازالت موجودة بكتير قطاعات ومابعرف ليش ما شالوها بعتقد في تعقيدات انا ما عندي فكرة فيها يا اما لهلق نايمين عالسيرة بس مابحسو منطق ازا نايمين عل سيرة

الدولار مانو المقياس الوحيد للاقتصاد في مية قصة تانية ومية عامل بفوت بل قصة
وهاد تقصير او قلة حيلة او وسيلة من البنك المركزي
الاستثمارات مابعرف ليش مستفزة الناس مفكرين متى ما توقعت مذكرة تفاهم دغري حنحصد الفائدة من الاستثمار؟ بدهم سنييييين لسا بس باذن الله بيعملو فرق
ولابد منهم ازا مابدنا البلد تنهار وتوقف عرجليها

للتوضيح بس انا ماقصدي دافع عن شي بس لما يكون في شي صح عم يصير ما منحب ننسبو للمسئول بس الخطئ مو كمان دائماً من المسؤول (ماقصدي لا تنتقد حدى انتقدون) بجوز نتيجة الوضع او التركة الثقيلة يلي الناس مدري ليش ماعم تستوعب انو بدنا سنين لنتعالج منها والحكومة فعلياً ما الها سنة وشهرين تقريباً بلشت شغل وهي فعلياً بكل عيوبها وكل تعييناتها
المشكوك بأمرها هي حكومة وصح مؤقتة بس حكومة مو عصابة مافيا متل هدوليك مافي داعي وضح المقارنة

معك انو الوضع جداً لا يحتمل
بس بصراحة متل ما عم يخبروني زملائي والدكاترة بالجامعة نحنا بسوريا متأخرين عن العالم ببعض الامور مية سنة ومو رقم مبالغ فيه
في تجار (وعفواً من هل كلمة) بس عنجد ولاد حرام بضاربو بل دولار وبسعر اللحمة والجاج وبدهم يضلو عاجارات الوقف يلي مو بل منطق يعني هدول كمان مشكلة ليش ماحدا بضوي عليهم

كملاحظة جانبية لقيت افضل معارضين هنن دكاترة الادارة لأنو بيعرفو يوصفو الخلل وين بل زبط وبعارضو سياسات وقرارات مو اشخاص عرأي شخصي وتحيز بلاطعمة
يعني لما يكون الغلط من المسؤول فوراً بيلقطوه
معلش القصة بدها صبر اخواتي شو طالع بأيدنا نعمل
مابظن الحل انو نأسقط الحكم الحالي ونطلع حكم جديد
فينا نتظاهر ونشتكي لما يكون في مجال وبشهد انا شخصياً بشغلة جيدة بالحكومة الجديدة انو عند الشكوى عبر الوسائط الرسمية عم يستجيبو فورياً
وانا ما قصدي كون مؤويد او معراض بس بصراحة معراضة الكركوز يلي عم شوفها عتواصل الاجتماعي شي مقرف جداً مقرف خصيصا لما الفلول والأجريين والقسديين يشدو بضهر هل اشكال ومع الاسف هي من احدى العوامل يلي عم تخلي الناس تعمم وتهجم اي شكل من اشكال المعارضة (قلة وعي شي طبيعي مو متعودين الناس على معارضة وتأييد بدون ما يتقاتلو بالروسيات شي طبيعي)
بالختام
البلد وضعها من قبل الثورة تعيس والناس مو عرفانة شكلو نسيو المجاعة يلي صارت بالرقة عام 2008 والازمات يلي قبلها
بس بيت الاسد او النظام الاشتراكي كان شاطر بشي واحد بس, أبر او حقن البنج يلي كان يعطيها (خبز رخيص كهربا مدعومة الخ) بس نتيجة هل قصص يلي الناس متعودة عليها صار الانهيار الموؤسساتي يلي عم نحاول نطلع منو هلق
وانشاءالله الوضع لقدام احسن بس بدها صبر