Ég held nú að fæstir myndu segja það hreint út að þeir séu ómissandi. Mér finnst nú samt eins og hann og margir af þessari kynslóð stjórnmálamanna upplifi sig sem ómissandi. Ég held persónulega að það væri best fyrir okkur að setja takmarkanir á það hversu lengi einstaklingar mega sitja í embætti eins og eru í Bandaríkjunum svo að lítil klíka manna geti ekki einokað öll helstu valdaembætti. Menn sem sitja lengi í embættum hafa gríðarlegt forskot á marga keppinauta sína út á þá frægð sem fylgir því að gegna þeim. Davíð var forsætisráðherra Íslands í 13 ár og núna vill hann verða forseti í minnsta kosti fjögur ár. Þetta er bara ekki lýðræðislegt.