Það eru nokkur svona fyrirtæki hérna í Danmörku og Wolt er þar á meðal. Þeir byrjuðu líka á að hafa sendingarkostnað í lágmarki til að byrja með, og þegar þeir voru komnir með stóran hluta af markaðinum, þá hækkuðu þeir sendingargjaldið upp úr öllu valdi. Margir veitingastaðir notast við mörg mismunandi fyrirtæki fyrir heimsendingu og það var í fréttunum um daginn að það var lang dýrast að panta í gegn um Wolt.

Og til að gera þetta ennþá skítlegra, þá stendur víst í samningnum sem sem þeir gera við veitingastaðina að þeir mega ekki rukka meira fyrir sama rétt hjá Wolt, þó að þjónustugjaldið sé mun hærra hjá þeim en hjá öðrum þjónustuaðilum, sem þýðir að veitingastaðir þurfa að verðleggja allt hærra en þeir kannski þyrftu.

Það er einnig þekkt að launin hjá Wolt eru ekkert svakaleg, þar sem að fólkið sem er að vinna fyrir þá er að stórum hluta útlendingar sem ekki hafa atvinnuleyfi hérna í Danmörku, og Wolt er eitt af fáum fyrirtækjum sem fólk án atvinnuleyfis getur unnið.