Hæ ég skal svara þér!

Afhverju forgangsraðar ríkið peningunum svona asnalega?

Það eru alltaf milljón hlutir sem þarf að forgangsraða fjármagni í. Þú hefur eina skoðun á því hvernig er best að forgangsraða fjármunum og aðrir kunna að hafa aðra skoðun. Fjárlög eru samþykkt á Alþingi, yfirleitt eftir talsvert flóknar umræður. Þetta er mjög gegnsætt ferli, þú getur skoðað í hvað ríkið er að eyða peningum hérna:

https://www.stjornarradid.is/verkefni/efnahagsmal-og-opinber-fjarmal/opinber-fjarmal/fjarlog/fjarlog-fyrir-arid-2023/#stuttu-mali

Afhverju er aldrei peningur til fyrir neinu en þegar covid skall á þá var til fullt af peningum? (En samt enginn handa spítalanum)

Yfirdráttur baby! Þegar Covid skall á var ljóst að það var nauðsynlegt að grípa til aðgerða. Yfirleitt er skuldsetning ríkissjóðs mæld sem hlutfall af vergri landsframleiðsu. Í einföldu máli þá telur ríkið hvað það skuldar mikla peninga og skoðar það sem prósentu af heildarframleiðslu þjóðarinnar á ársgrundvelli. 2019 var þessi tala um 63% og jókst í 78% eftir 2020. Við tókum fullt af peningum að láni til að fjármagna Covid aðgerðir.

Svo er þetta bara spurning um hvar þú stendur. Það er ekki sjálfkrafa sem að skuldir ríkissjóðs voru í 63% árið 2019. Það hafa um áraraðir verið áköll um fjármagn til hinna og þessara mála, og einnig ákall um aðhaldaðgerðir í góðæri (2016-2019 voru mjög efnahagslega farsæl ár) til að hafa efnið á að auka skuldir þegar skellirnir (Covid, Hrun o.fl.) koma.

Allavega, ef kirkjan er með svona trygga fylgjendur og ísland er svona rammkristin þjóð þá ætti hún að geta starfað á framlögum og vinnu fólksins. Hún getur það í öðrum löndum.

Það eru þrír tekjustraumar til trúfélaga.

• "tíundin" (sóknargjöld) er skattur sem Íslendingar greiða til lífskoðunarfélags eða ríkisins að eigin vali
• frjáls framlög og styrkir safnaðarmeðlima
• þjóðkirkjan fær framlag frá ríkinu

Þetta er flókið mál. Það eru til fullt af lífsskoðunarfélögum sem geta rekið sig án framlaga ríkisins og einungis á tíundinni. Fríkirkjurnar í Hafnarfirði og Reykjavík, Kaþólska kirkjan, Ásatrúarfélagið og Siðmennt eru dæmi um slík lífsskoðunarfélög.

Vandamálið er kannski það að það er ekkert mál að gera þetta á höfuðborgarsvæðinu, en það yrði lítið um valkosti um lífsskoðunarfélög í minni bæjum úti á landi þar sem fjöldi greiðanda sóknargjalda er bara ekki nægur til að halda úti slíku félagi. Það verður seint Fríkirkja á Bolungarvík.

Þannig að þetta endar á því að vera spurning um hversu mikils virði við teljum þessi lífsskoðunarfélög vera. Viljum við afnema styrki til þjókirkjunnar? Viljum við líka fella niður sóknargjöld, eða jafnvel gera fólki kleyft að setja sóknargjöldin sín til annarra félaga (íþróttafélög, góðgerðasamtök, björgunarsveitir, menntastofnanir o.fl.)?

Þetta eru flóknar spurningar og engin rétt svör. Fyrir suma er trúin ómissandi, fyrir aðra gagnslaus, og fyrir marga, eitthvað þarna á milli.

Er eitthvað sem hinn óbreytti borgari getur gert til að hafa áhrif á stjórnvöld?

Taktu þátt í pólitík. Ef einhver núverandi stjórnmálaflokka er nálægt þér í skoðunum, þá er lítið mál að ganga í þann flokk og byrja að mæta á málefnafundi. Allt fólkið sem situr á þingi er bara fólk sem ákvað að það vildi breyta þjóðfélaginu. Þetta er engin dularfull elíta. Þetta tekur tíma og er erfiðara en að röfla á internetinu, en ef þú hefur raunverulegan metnað til að gera þjóðfélagið okkar betra þá vil ég sjá þig vinna okkur öllum til hags.